जागतिक स्ट्रोक दिवस दरवर्षी 2023 ऑक्टोबर रोजी साजरा केला जातो. हा दिवस साजरा करण्यामागचा मुख्य उद्देश लोकांना स्ट्रोकच्या धोक्यांविषयी जागरूक करणे हा आहे. ब्रेन स्ट्रोकमुळे जगभरात मोठ्या संख्येने लोकांचा मृत्यू होतो.
स्ट्रोक ही अशी स्थिती आहे जेव्हा मेंदूला रक्त पुरवठा थांबतो. स्ट्रोकची अनेक कारणे असू शकतात. चुकीच्या खाण्यापिण्याच्या सवयी, निद्रानाश, हाय बीपी, बदलती जीवनशैली इत्यादी प्रमुख कारणे आहेत. अनेकदा शरीरात पोषक तत्वांच्या कमतरतेमुळे ब्रेन स्ट्रोकचा धोकाही वाढतो. अशातच आज आम्ही तुम्हाला सांगणार आहोत की कोणते पदार्थ स्ट्रोकचा धोका कमी करू शकतात.
हिरव्या पालेभाज्या
हिरव्या पालेभाज्यांमध्ये नायट्रेट्स आणि इतर पोषक घटक समृद्ध असतात, ज्यामुळे स्ट्रोकचा धोका कमी होण्यास मदत होते. यासाठी पालक, काळे, कोलार्ड अशा पालेभाज्यांचा आहारात समावेश करू शकता.
अक्रोड
अँटिऑक्सिडेंट गुणधर्माने समृद्ध अक्रोड आरोग्यासाठी खूप फायदेशीर आहे. जे लोक नियमितपणे अक्रोड खातात त्यांना तणाव आणि स्ट्रोकचा धोका कमी असू शकतो.
लिंबूवर्गीय फळ
लिंबूवर्गीय फळे जीवनसत्त्वे आणि खनिजांचा चांगला स्रोत आहेत. त्यामध्ये व्हिटॅमिन-सी, फोलेट आणि पोटॅशियम भरपूर प्रमाणात असते. त्यांच्यात अँटीऑक्सिडेंट आणि दाहक-विरोधी गुणधर्म देखील आहेत, जे स्ट्रोकपासून संरक्षण करण्यास मदत करतात.
चरबीयुक्त मासे
चरबीयुक्त माशांमध्ये ओमेगा -3 फॅटी अॅसिड जास्त असते, जे रक्त प्रवाह सुधारून स्ट्रोकचा धोका कमी करण्यास उपयुक्त असतात. स्ट्रोक टाळण्यासाठी सॅल्मन, मॅकेरेल सारख्या चरबीयुक्त माशांचा आहारात समावेश करता येतो.
दही
दही हा आरोग्याचा खजिना मानला जातो. यात कॅल्शियम, पोटॅशियम आणि प्रोबायोटिक्स गुणधर्म असतात, जे हृदयाच्या आरोग्यास प्रोत्साहित करतात. स्ट्रोकचा धोका कमी करण्यासही हे उपयुक्त आहे.
