मुंबई : अनेक महिन्यांपासून शाहरुख खानच्या ‘जवान’ या चित्रपटाची चाहत्यांमध्ये जोरदार उत्सुकता पाहायला मिळत होती. अखेर आज जवान चित्रपट रिलीज झाला आहे. पठाण नंतर शाहरुख खानच्या मुळातच असलेल्या स्टारडमला आणखीन झळाळी आली होती. आणि पुन्हा एकदा ‘जवान’ त्यात सोने पे सुहागा ठरणार आहे, यात शाहरुखच्या चाहत्यांना तर शंका नाहीच. पण शोच्या पहिल्याच दिवशी एक वाईट बातमी निर्मात्यांसाठी येत आहे. आज ‘जवान’चा पहिला शो रिलीज झाला आणि लगेचच चित्रपट देखील लीक झाला आहे. त्यामुळे पायरसीचा या चित्रपटाला थेट फटका बसण्याची दाट शक्यता आहे.
बॉलीवूड किंग शाहरुख खान आणि नयनतारा स्टारर ‘जवान’ हा चित्रपट आज रिलीज झाला. इटली कुमार दिग्दर्शित या चित्रपटाची हवा फक्त भारतातल्याच चहात्यांना गदगद करत नाहीये तर सारखीच परिस्थिती दुबईमध्ये देखील पाहायला मिळते आहे. शाहरुख खानचे चाहते त्याला पुन्हा मोठ्या स्क्रीनवर पाहण्यासाठी उत्सुक होते. त्यामुळे जवान पठाण या चित्रपटाचे देखील रेकॉर्ड जवान मोडेल अशी शक्यता होती. पण या पायरसीमुळे चित्रपट आता बॉक्स ऑफिसवर कितपत कमाल करून दाखवतो हे येणारा काळच सांगेल.
