पुणे : पुण्यातून आज एक खळबळजनक घटना उघडकीस आली आहे. पुणे PUNE CRIME शहरातील कोरेगाव पार्क परिसरामध्ये एका पोलीस उपनिरीक्षकाचा मृतदेह आढळून आला आहे. घटनेची माहिती मिळताच वरिष्ठ पोलीस अधिकाऱ्यांनी घटनास्थळी धाव घेतली असून अधिक तपास सुरू आहे.
मिळालेल्या प्राथमिक माहितीनुसार, पुणे शहरातील कोरेगाव पार्क परिसरातील लेन नंबर ७ मध्ये पोलीस निरीक्षक दत्तात्रेय कुरळे यांचा मृतदेह आढळून आला. कुरळे हे मोटार परिवहन विभागात कार्यरत होते. पोलीस शिपाई म्हणून ते पोलीस दलात भरती झाल्यानंतर पदोन्नतीने ते पोलीस उपनिरीक्षक पदावर सध्या कार्यरत होते. त्यांचा मृतदेह आढळून आल्यानंतर पुणे पोलीस दलात एकच खळबळ उडाली आहे. वरिष्ठ पोलीस अधिकाऱ्यांनी घटनास्थळी धाव घेऊन पुढील तपासाची सूत्र हलवली आहे.
