छत्रपती संभाजीनगर : छत्रपती संभाजी नगर मधून एक अत्यंत धक्कादायक घटना उघडकीस येथे आहे. आई वडील आपल्या मुलांना सुरक्षित ठेवण्यासाठी आणि त्यांच्या पालनपोषणासाठी जगातल्या प्रत्येक संकटाशी सामना करत असतात. पण या कुटुंबात काहीतरी वेगळंच घडलं आहे. या दाम्पत्याला तीन लहान मुली आहेत. परंतु या दोघांमध्ये या ना त्या कारणाने सातत्याने भांडण होत होती. त्यातच या दोघांचेही बाहेर सूत जुळले आणि संपूर्ण कुटुंब उध्वस्त झाले.
या महिलेचे बाहेर एका व्यक्तीशी प्रेम संबंध जोडले,तर या मुलींच्या पित्यानेही बाहेर एका मुलीसोबत घर वसवण्याचा निर्णय घेतला. या दांपत्यांमध्ये भांडण एवढं विकोपाला गेलो होतो की या तीन चिमुकल्या मुलींना देखील सातत्याने मारहाण केली जात होती. आणि एक दिवस अचानक या चिमुकल्या मुलींची आई कोणताही विचार न करता आपल्या प्रियकरा सोबत लग्न करून निघून गेली. तर वडिलांनीही थेट दुसऱ्या मुली सोबत जाऊन संसार सुरू केला. तीन महिन्यांपासून या लहान मुली कशा जगत असतील, त्यांच जेवण-खान, त्यांची सुरक्षा, त्यांच शिक्षण हे सर्व काही कोण पाहत असेल याचा तीळ मात्र विचार या आई बापाने केला नाही.
Related posts
यातील एक मुलगी अकरा वर्षाची, एक मुलगी नऊ, वर्षाची आणि एक मुलगी ही सात वर्षाची आहे असं समजतंय. दरम्यान अनेक दिवसांपासून शेजारी राहणाऱ्यांनी या मुलींना जेवण पुरवले. अडीच तीन महिने या मुलींचे आई किंवा वडील परत येतील अशी वाट शेजारी पाहत होते. पण अखेर शेजाऱ्यांनी देखील पोलिसांना या घटनेची माहिती दिली. त्यानंतर पोलिसांनी घरी येऊन शहानिशा केली आणि बालकल्याण समितीला या मुलींबाबत माहिती कळवली. सध्या बालकल्याण समितीने या मुलींना छावणीतील बालगृहात ठेवले आहे. या मुलींच्या आई वडिलांचा शोध देखील पोलीस घेत आहेत.
