नांदेड : गेल्या दीड वर्षांमध्ये महाराष्ट्राच्या राजकारणात प्रचंड उलथापालथ झालेली आहे. पक्षातील कट्टर नेते देखील पक्षांतर करत असल्याचं दिसून आल आहे. काही दिवसांपूर्वी काँग्रेसचे अशोक चव्हाण Ashok Chavan यांनी देखील भाजपमध्ये जाहीर पक्ष प्रवेश केला आहे. आता एक मोठी बातमी समोर येते आहे ती म्हणजे अशोक चव्हाण यांची कन्या श्री जया चव्हाण यांच्याबाबत…
सूत्रांनी दिलेल्या माहितीनुसार, नांदेड मधून भोकर विधानसभेत सध्या श्रीजया चव्हाण यांचे नाव गाजते आहे. भोकर विधानसभेतून श्रीजया या निवडणुकीच्या रिंगणात उतरणार असून गेल्या अनेक महिन्यांपासून त्या जोरदार मोर्चे बांधणी करत असल्याचं देखील दिसून येत आहे.
एवढंच नाही तर नुकतेच भाजपमध्ये प्रवेश केलेले काँग्रेसचे ज्येष्ठ नेते अशोक चव्हाण यांनी भाजपमध्ये प्रवेश करताना श्रीजया चव्हाण यांना भोकर विधानसभेची उमेदवारी दिली जावी अशी अट ठेवली असल्याचं सूत्रांनी म्हटल आहे. त्याचबरोबर भावी आमदार म्हणून श्रीजया चव्हाण यांचे बॅनर देखील नांदेडमध्ये झळकले होते. त्यामुळे आता भोकर विधानसभेतून श्रीजया यांना उमेदवारी मिळते का हे येणारा काळच स्पष्ट करणार आहे.
