बुलढाणा : लोकसभा निवडणुकीच्या पार्श्वभूमीवर रोजच मोठमोठ्या राजकीय हालचाली होत आहेत. एकीकडे आज बारामतीतून विजय शिवतारे यांनी तलवार म्यान केली आहे. तर आता बुलढाण्यातून संजय गायकवाड Sanjay Gaikwad यांनी थेट लोकसभा निवडणुकीसाठी Lok Sabha Elections उमेदवारी नामांकन अर्ज भरून तलवार उपसली आहे.
महायुतीमध्ये अद्याप देखील काही जागांवर जागा वाटपाचा तिढा सुटलेला नाही. अशातच बुलढाण्यातून एक मोठी बातमी समोर येतेय. सध्य परिस्थितीमध्ये बुलढाण्यामध्ये प्रतापराव जाधव हे विद्यमान खासदार आहेत. तर शिवसेनेने अद्याप देखील लोकसभेसाठी उमेदवारी यादी जाहीर केलेली नाही आणि अशातच आता आमदार संजय गायकवाड यांनी उमेदवारी अर्ज भरल्यामुळे एकनाथ शिंदे यांच्या शिवसेनेत एकच खळबळ उडाली आहे.
संजय गायकवाड यांनी हे टोकाचे पाऊल उचललं आहे. यावर आता मुख्यमंत्री एकनाथ शिंदे काय भूमिका घेतात हे पाहणं महत्त्वाचं ठरणार आहे.
