अहमदनगर : अहमदनगरच्या केडगाव परिसरातील अंबिका नगरमध्ये बिबट्याने हल्ला केल्याची धक्कादायक घटना घडली आहे. अहमदनगर शहरांमध्ये शनिवारी दुपारच्या सुमारास बिबट्याचा वावर नागरिकांना दिसून आला. या घटनेनंतर नागरिकांनी अंबिकानगर भागामध्ये मोठ्या प्रमाणात गर्दी केली.
ज्या ठिकाणी बिबट्या घुसला आहे त्या ठिकाणी नागरिकांनी गोंधळ केला आणि झालेला गोंधळ पाहून बिबट्याने नागरिकांवर हल्ला केला असल्याचे समजते आहे.
Related posts
त्याचबरोबर एका नागरिकाला बिबट्याने जबर जखमी केले आहे. सुदैवाने उपस्थित असलेले नागरिक त्या व्यक्तीच्या मदतीला धावल्याने बिबट्याने पकड सोडून दिली आणि धूम ठोकली.
या घटनेने परिसरात एकच खळबळ उडाली आहे. नागरिकांमध्ये घबराटीचे वातावरण पसरले आहे.
