पुसद : सध्या देशभरात लोकसभा निवडणुकीमुळे पक्षाचे प्रमुख नेते जोरदार प्रचार करत आहेत. एकीकडे उन्हाचा तडाखा वाढत असताना निवडणूक प्रचारासाठी राहिलेला कमी वेळ पाहता सर्वच नेते एकाच दिवसात अनेक दौरे आणि सभांमध्ये उपस्थिती घेत आहेत. अशातच यवतमाळच्या पुसद येथील एका सभेमध्ये ज्येष्ठ नेते नितीन गडकरी Nitin Gadkari यांना आज अचानक भोवळ आली. आणि जवळ उभ्या असलेल्या अंगरक्षकांनी त्यांना सावरले.
यवतमाळच्या पुसदमध्ये महायुतीच्या उमेदवार राजश्री पाटील यांच्या प्रचार सभेसाठी आज नितीन गडकरी उपस्थित होते. यावेळी या सभेला उपस्थिततांना संबोधित करत असताना ते उभे राहिले. भाषण करत असताना काही वेळानं त्यांना अचानक चक्कर आली आणि ते स्टेजवर कोसळणार एवढ्यात त्यांच्या अंगरक्षकांनी त्यांना सावरले.
परभणीमध्ये महादेव जानकर यांची मोठी घोषणा ! ” निवडून आलो नाही तर संन्यास घेईन, 26 एप्रिल नंतर मी राज्यभरात उद्धव ठाकरेंच्या विरोधात रान पेटवणार !
या आधी देखील नितीन गडकरी यांना भर सभेमध्ये भोवळ आल्याची घटना घडलेली आहे. तात्काळ त्यांच्यावर उपचार करण्यात आले असून सध्या नितीन गडकरी यांची प्रकृती स्थिर असल्याची माहिती मिळते आहे.
