आज पंतप्रधान नरेंद्र मोदी शिर्डी येत आहेत. मुख्यमंत्री आणि उपमुख्यमंत्र्यांसोबत ते मराठा आरक्षण या विषयावर चर्चा करणार आहेत. ते काय निर्णय घेतात याकडे सर्वांचं लक्ष लागलं आहे. त्यांना परिस्थितीची जाणीव आहे, असं मोठं विधान राज्याचे अल्पसंख्याक मंत्री अब्दुल सत्तार यांनी केलं आहे. आरक्षणात कुणीही खोडा घालण्याचा प्रयत्न करत असेल तरी मुख्यमंत्री, उपमुख्यमंत्री आरक्षण देण्यावर ठाम आहेत, असंही सत्तार यांनी स्पष्ट केलं.
हे वाचलेत का ? Maratha Reservation : संजय दत्त,सलमान खान यांच्या खटल्यातील वकील सतीश मानशींदे आता निशुल्क मराठा आंदोलकांची केस लढणार !
Related posts
प्रसारमाध्यमांशी अब्दुल सत्तर यांनी संवाद साधला यावेळी ते म्हणले कि, समितीचा अहवाल अद्याप आलेला नाही. ओबीसीचं आरक्षण कमी न करता ओबीसी समाजाच्या भावना लक्षात घेऊन कायद्याच्या चौकटीत आरक्षण बसवण्यात येणार आहे. 75 दिवस थांबणार नसेल तर कसं होईल ? संयम ठेवावा. काही दिवस थांबणं योग्य ठरेल. तुमच्या प्रत्येक मागण्या पूर्ण करण्यासाठी सरकार कटिबद्ध आहे. नेत्यांना गावबंदी हा पर्याय असू शकत नाही. सुख-दुःखाच्या कार्यक्रमात जावं लागेल. सामाजिक, धार्मिक, लग्न कार्यात जावं लागेल, असं करू नका. शेवटी राजकारणात व्यक्ती स्वतंत्र आहे, असं अब्दुल सत्तार म्हणाले.
हे वाचलेत का ? “जरांगेंचे लाड थांबवले नाहीत, तर मी या क्षणापासून प्राणांतिक उपोषण करेल” गुणरत्न सदावर्ते यांचा राज्यसरकारला इशारा
घटनात्मक अधिकार हिरावून घेऊ नका. मुख्यमंत्री एकनाथ शिंदे सक्षम आहेत. ते मराठा समाजाचे आहेत. ते जेव्हा शिवरायांची शपथ घेऊन सांगतात तेव्हा शंका घेण्याचं काम नाही. मुख्यमंत्री आणि दोन्ही पक्षाचे उपमुख्यमंत्री जो निर्णय घेतील तो सर्वांना मान्य आहे, असंही त्यांनी स्पष्ट केलं.
