सोलापूर : आज राज्यात तिसऱ्या टप्प्यातील लोकसभा निवडणुकीसाठी मतदान प्रक्रिया पार पडते आहे. आज सोलापूरमध्ये लोकसभा निवडणुकीच्या मतदान प्रक्रिये दरम्यान एक धक्कादायक घटना घडली आहे. नुकत्याच मिळालेल्या माहितीनुसार, सोलापुरातील एका मतदान केंद्रावर मतदारांन थेट ईव्हीएम EVM मशीन पेटवून देण्याचा प्रयत्न केला आहे. केंद्रावरील अधिकाऱ्यांनी या मतदाराला पोलिसांच्या हवाली केले आहे.
Big Breaking : धाराशिवमध्ये मतदान केंद्रा जवळच दोन गट भिडले; चाकू हल्ल्यात एकाची हत्या तीन जण गंभीर जखमी, आरोपी फरार
मिळालेल्या प्राथमिक माहितीनुसार, आज तिसऱ्या टप्प्यातील लोकसभा निवडणुकीच्या मतदान प्रक्रियेमध्ये सोलापुरात धक्कादायक घटना घडली आहे. एका तरुण मतदारांन अचानक ईव्हीएम मशीन पेटवून देण्याचा प्रयत्न केला. ही घटना सोलापुरातील सांगोल्यामधील बादलवाडी येथील मतदान केंद्रावर घडली आहे. केंद्रावर उपस्थित असलेल्या अधिकाऱ्यांनी तडकाफडकी या तरुणाला ताब्यात घेतलं. त्यामुळे अनर्थ टळला. या तरुणाला पोलिसांच्या हवाली करण्यात आल असून त्याने नेमकं असं पाऊल का उचललं याचा अधिक तपास आता पोलीस करतील.
