धाराशिव : धाराशिवमधून अत्यंत धक्कादायक अशी घटना समोर येते आहे. आज तिसऱ्या टप्प्यातील मतदान प्रक्रिया पार पडते आहे. अशातच धाराशिवमध्ये मतदान केंद्रा जवळच दोन गट भिडले आहेत. हा वाद एवढा विकोपाला गेला की एका गटातील आरोपींन थेट चाकू हल्ला करून एकाची हत्या तर तिघा जणांना गंभीर जखमी केलं. या प्रकरणातील आरोपी फरार असून पोलीस त्याचा अधिक तपास घेत आहेत.
मिळालेल्या सविस्तर माहितीनुसार, धाराशिवमध्ये भूम तालुक्यातील पाटसांगवी या ठिकाणी ही घटना घडली आहे. दोन ते तीन दिवसांपासून या टोळक्यामध्ये वाद सुरू होता. मतदान केंद्रावर मतदार आणण्यावरून हा वाद झाला असल्याची प्राथमिक माहिती मिळते आहे. शाब्दिक बाचाबाची नंतर हा वाद एवढा विकोपाला गेला की थेट आरोपीने समाधान पाटील या तरुणावर चाकू हल्ला केला. हा चाकू हल्ला एवढा भयानक होता की समाधान पाटील याचा जागीच मृत्यू झाला आहे. तर तीन जण गंभीर जखमी असून त्यांच्यावर सध्या उपचार सुरू आहेत.
हा चाकू हल्ला करणारा आरोपी गौरव नाईक नवरे हा फरार झाला असून पोलीस त्याचा अधिक तपास घेत आहेत. परंतु मतदानाच्या दिवशीच मतदान केंद्राबाहेर अशी घटना घडल्यामुळे जिल्ह्यातील वातावरण आता प्रचंड तापला आहे.
