मध्यप्रदेश : मध्यप्रदेशच्या गुना जिल्ह्यातून एक हृदयद्रावक अपघाताची माहिती समोर येते आहे. बुधवारी रात्री नऊच्या दरम्यान बस आणि डंपरच्या झालेल्या भीषण अपघातामध्ये बसमधील बारा प्रवाशांचा होरपळून मृत्यू झाला आहे. तर 14 प्रवासी जखमी झाले आहेत.
मिळालेल्या सविस्तर माहितीनुसार, मध्यप्रदेश मधील गुना – अरोन महामार्गावर रात्री नऊ वाजण्याच्या दरम्यान हा भीषण अपघात झाला आहे. प्रत्यक्षदर्शींनी दिलेल्या माहितीनुसार डंपर हा महामार्गावर उलट्या दिशेने येत होता. यावेळी बस आणि डंपरची समोरासमोर एवढी जोरदार टक्कर झाली की, बस अक्षरशः पलटी झाली. आणि त्यानंतर बसने पेट घेतला. यावेळी बसमधील बारा प्रवाशांचा होरपळून मृत्यू झाला आहे. तर 14 प्रवासी जखमी झाले आहेत. या जखमी प्रवाशांना जिल्हा रुग्णालयात उपचारासाठी दाखल करण्यात आले आहे.
Related posts
या अपघाताच्या माहितीनंतर मध्यप्रदेशचे मुख्यमंत्री मोहन यादव यांनी एक्सच्या माध्यमातून दुःख व्यक्त केले आहे. तसेच मृतांच्या कुटुंबीयांना चार लाख आणि जखमी प्रवाशांच्या कुटुंबीयांना 50000 रुपयांची मदत मुख्यमंत्री मोहन यादव यांनी जाहीर केली आहे.
