मुंबई : सोमवारी रात्री टीव्ही मालिका मधील प्रसिद्ध अभिनेते ऋतुराज सिंह यांचे निधन झाले. हृदयविकाराच्या तीव्र झटक्याने त्यांचे निधन झाले असून वयाच्या 59 व्या वर्षी त्यांनी अखेरचा श्वास घेतला आहे.
मुंबईतील लोखंडवाला कॉम्प्लेक्समधील राहत्या घरी त्यांना हृदयविकाराचा झटका आला. या घटनेने टीव्ही मालिकेतील त्यांचे सहकलाकार आणि चहात्यांना धक्का बसला आहे. अनुपमा या सिरीयलमधील त्यांच्या व्यक्तिरेखेला प्रेक्षकांनी खूप पसंत केले होते. यासह त्यांनी अदालत, आहट, दिया और बाती, हिटलर दीदी, ये रिश्ता क्या कहलाता है अशा प्रसिद्ध मालिकांमध्ये देखील उत्कृष्ट भूमिका केले आहेत.
Related posts
त्यांचे जवळचे मित्र अमित बहल यांनी या माहितीला दुजोरा दिला आहे. सोमवारी रात्री त्यांना तीव्र हृदयविकाराचा झटका आला. काही दिवसांपूर्वीच त्यांना स्वादुपिंडाच्या उपचारासाठी रुग्णालयात दाखल करण्यात आलं होतं. त्यानंतर त्यांना हृदयासंबंधी तक्रारी जाणवू लागल्या होत्या.
