मुंबई : काही दिवसांपूर्वी प्रसिद्ध अभिनेता सलमान खान याच्या घरावर दोघा जणांनी पहाटेच्या सुमारास गोळीबार केला होता. या प्रकरणात चार जणांना आत्तापर्यंत अटक करण्यात आली होती. यामध्ये दोघेजण ज्यांनी गोळीबार केला आणि दोघेजण ज्यांनी पिस्तूल पुरवली होती. अशा चौघा जणांना अटक करण्यात आली. यामध्ये आज कोठडीतच एका आरोपीने आत्महत्या केल्याची धक्कादायक घटना उघडकीस आली आहे.
नेमकं काय घडलं ?
ही घटना आहे 14 एप्रिल 2024 च्या पहाटे पाचच्या सुमारास घडलेली. दोन दुचाकी स्वार हे अभिनेता सलमान खान याच्या घराबाहेर आले. यावेळी सलमान खान आणि त्याच कुटुंबीय घरातच झोपलेले होते. अचानक या दोघांनी सलमान खानच्या घराच्या दिशेने गोळीबार केला आणि या घटनेने एकच खळबळ उडाली होती. दरम्यान पोलिसांनी प्रचंड प्रयत्नांनी या दोघा जणांना ताब्यात घेतलं अधिक चौकशीनंतर तुरुंगात असलेल्या गँगस्टर लॉरेन्स बिश्नोई याचा भाऊ अनमोल बिष्णोई याने हा कट रचल्याच निष्पन्न झालं. दरम्यान या दोन्हीही प्रमुख आरोपींना पिस्तूल पुरवणारे दोन आरोपी मुंबई पोलिसांनी 25 एप्रिल रोजी ताब्यात घेतले होते. यामध्ये सोनू चंद्रन वय वर्ष 37 आणि अनुज थापन वय वर्ष 32 या दोघांना अटक करण्यात आली होती. या दोघांवर खंडणी आणि शस्त्रास्त्र कायद्याचे अनेक गुन्हे दाखल आहेत. यापैकी अनुज थापन या आरोपीने आज तुरुंगातच आत्महत्या केली आहे.
Related posts
या आरोपीला तुरुंगातील चादरीच्या सहाय्याने गळफास घेतला असल्याचं समजत आहे. घटनेची माहिती मिळताच पोलिसांनी त्याला रुग्णालयात दाखल केलं होतं. मात्र रुग्णालयात पोहोचेपर्यंत या आरोपीचा मृत्यू झाला होता.
Lok Sabha Elections 2024 : … आणि अखेर नाशिक लोकसभा मतदारसंघाच्या उमेदवारीचा तिढा सुटला ! महायुतीकडून ‘या’ उमेदवाराच्या नावावर शिक्कामोर्तब
नेमकी कोणाला मिळाली उमेदवारी ? वाचा सविस्तर
