लातूर : सध्या लोकसभा निवडणुकीच्या पार्श्वभूमीवर सर्वच पक्षाचे नेते दौऱ्यावर आहेत. सभा बैठका चर्चा यांमध्ये नेतेमंडळी एकमेकांवर टीकाटिप्पणी करायला विसरत नाहीत. दरम्यान केंद्रीय गृहमंत्री अमित शहा हे देखील महाराष्ट्र दौऱ्यावर आले होते. यावेळी त्यांनी उद्धव ठाकरेंवर घणाघाती टीका केली होती. या टीकेवर आता उद्धव ठाकरे यांनी कडू भाषेमध्ये प्रत्युत्तर दिल आहे.
सध्या उद्धव ठाकरे हे धाराशिव आणि लातूर जिल्ह्याच्या दौऱ्यावर आहेत. दरम्यान आज गुरुवार दिनांक 7 मार्च रोजी उद्धव ठाकरे हे लातूर जिल्ह्यातील औसा तालुक्यात उपस्थित त्यांना संबोधित करत होते. यावेळी त्यांनी केंद्रीय गृहमंत्री अमित शहा यांच्यावर हल्लाबोल केला. ते म्हणाले की, ” अमित शहा महाराष्ट्रात आले होते. मणिपूर पेटलं तिथं जायची त्यांची हिंमत झाली नाही. तिथे शेपूट घातलं आणि महाराष्ट्रात येत आहेत. फणा काढत आहेत. हा नागोबा…! ” अशी कडू भाषेत उद्धव ठाकरेंनी टीका केली.
तसेच ” काश्मीरमध्ये जायची त्यांची हिंमत नाही. अरुणाचलमध्ये चीन घुसले तिथे जात नाही. तिथेही शेपूट घातले. असा हा शेपूट घाल्या गृहमंत्री महाराष्ट्रात आला आणि आमच्यावर फणा काढून गेला. माझ्यावर काय बोलले त्याच मी नंतरच्या सभेत समाचार घेईल. पण त्यांची या राज्यामध्ये जायची हिंमत होत नाही…! ” अशी टीका उद्धव ठाकरे यांनी केली आहे.
