नवी दिल्ली : लोकसभा निवडणुकीच्या चौथ्या टप्प्यापूर्वी काँग्रेस नेते राहुल गांधी यांनी सोशल मीडियावर एक व्हिडिओ शेअर केला आहे. या व्हिडिओमध्ये राहुल गांधी यांनी म्हंटले आहे की, “4 जून रोजी भारत आघाडीचे सरकार स्थापन होणार आहे. सरकार स्थापन झाल्यानंतर 15 ऑगस्टपर्यंत 30 लाख रिक्त सरकारी पदे भरणार आहोत. यावरून राहुल गांधी यांनी पंतप्रधान मोदींवर निशाणा साधला.
राहुल गांधी यांनी सोशल मीडियावर पोस्ट केली की, देशातील युवकांनो ! 4 जून रोजी भारत सरकार स्थापन होणार आहे आणि आमची हमी आहे की 15 ऑगस्टपर्यंत आम्ही 30 लाख रिक्त सरकारी पदांवर भरतीचे काम सुरू करू. नरेंद्र मोदींच्या खोट्या प्रचाराला बळी पडू नका, आपल्या मुद्द्यांवर ठाम राहा. इंडियाचं ऐका. द्वेष नाही तर नोकरी निवडा” असा या व्हिडिओमध्ये राहुल गांधी म्हणाले आहेत.
तसेच, ” भाजपला आरक्षण संपवायचे आहे, तर कॉंग्रेसला 50 टक्क्यांहून अधिक आरक्षण वाढवायचे आहे,” असे राहुल गांधी यांनी तामिळनाडूतील जाहीर सभेत सांगितले. आरक्षण संपवण्यासाठी पंतप्रधान मोदींनी अनेक सरकारी कंपन्यांचे खासगीकरण केले. नरेंद्र मोदी यांनी अदानींसारख्या लोकांसाठी काम केले. बंदरे, विमानतळे, पायाभूत सुविधा आणि संरक्षण प्रकल्पही त्यांना देण्यात आले. असा आरोप देखील त्यांनी पंतप्रधान नरेंद्र मोदी यांच्यवर केला आहे.
