मुंबई : सध्या लोकसभा निवडणुकीचा हंगाम सुरू आहे. एकीकडे उष्णतेची लाट वाढते तर दुसरीकडे राजकारणात देखील निवडणुकीचा धुराळा उडाला आहे. महायुतीने आज महत्त्वाचे तीन निर्णय घेतले आहेत. यामध्ये कल्याण ठाणे आणि नाशिक लोकसभा मतदारसंघाच्या उमेदवारांच्या नावाची घोषणा करण्यात आली आहे.
आज सकाळीच महाराष्ट्र दिनानिमित्त मानवंदना देण्यासाठी उपस्थित असलेल्या मुख्यमंत्री एकनाथ शिंदे यांनी उमेदवारांच्या नावाच्या घोषणेबाबत संकेत दिले होते. त्यानुसार नाशिकमधून हेमंत गोडसे कल्याण लोकसभा मतदार संघातून मुख्यमंत्री एकनाथ शिंदे यांचे चिरंजीव श्रीकांत शिंदे आणि ठाणे लोकसभा मतदारसंघातून नरेश म्हस्के या तीन नावांवर आज शिक्कामोर्तब करण्यात आला आहे.
Lok Sabha Elections 2024 : … आणि अखेर नाशिक लोकसभा मतदारसंघाच्या उमेदवारीचा तिढा सुटला ! महायुतीकडून ‘या’ उमेदवाराच्या नावावर शिक्कामोर्तब
खरंतर ही तीनही नाव अपेक्षितच होती. परंतु महायुतीतून जागावाटप आणि उमेदवारी नेमकी कोणाला दिली जावी यावरून बरेच दिवस झाले तिढा सुटता सुटत नव्हता. दरम्यान आज या तिघा जणांच्या नावांची घोषणा झाल्यानंतर हेमंत गोडसे आणि नरेश म्हस्के यांनी मुख्यमंत्री एकनाथ शिंदे यांचे आभार मानले आहेत.
काय म्हणाले ठाणे लोकसभा मतदारसंघाचे महायुतीचे उमेदवार नरेश मस्के
आपल्या नावाची घोषणा झाल्यानंतर ठाणे लोकसभा मतदार संघाचे उमेदवार नरेश म्हस्के म्हणाले की, ” एका कार्यकर्त्याला ठाणे लोकसभा मतदारसंघाची जागा लढण्यास मुख्यमंत्री एकनाथ शिंदे यांच्या शिवसेनेकडून देण्यात आली आहे. हे फक्त शिवसेनेतच होऊ शकत. सर्वसामान्य कार्यकर्त्याला समाजामध्ये काम करण्याची प्रेरणा या माध्यमातून नक्कीच मिळेल. एका कार्यकर्त्याचा विजय किंवा ही संधीच दिली आहे. या संधीचं सोनं करण्याची संधीच शिवसेनेकडून देण्यात आली आहे. आणि विजयाकडे वाटचाल करण्याचा नक्कीच प्रयत्न करेल. ” असं यावेळी माध्यमांशी बोलताना नरेश मस्के म्हणाले आहेत.
