छत्रपती संभाजीनगर : छत्रपती संभाजीनगर मधून अखेर शिवसेनेच्या वतीने मंत्री संदिपान भुमरे यांना उमेदवारी जाहीर करण्यात आली आहे. त्यामुळे आता छत्रपती संभाजीनगरमधून शिवसेना एकनाथ शिंदे गटाचे संदिपान भुमरे, चंद्रकांत खैरे आणि एमआयएमचे इम्तियाज जलील, वंचित बहुजन आघाडीने काँग्रेसचे माजी नगरसेवक अफसर खान यांना उमेदवारी दिली आहे. त्यामुळे चौरंगी लढत होणार आहे.
महायुतीमध्ये जागा वाटपाच्या तिढ्यामध्ये छत्रपती संभाजीनगर वरून देखील मोठा वाद निर्माण झाला होता. भाजपने छत्रपती संभाजीनगरसाठी देखील आग्रह लावून धरला होता. परंतु अखेर ही जागा शिवसेना एकनाथ शिंदे गटाला सुटली आहे. शिवसेना एकनाथ शिंदे गटाचे संदिपान भुमरे आता लोकसभेच्या रिंगणात उतरले आहेत.
महायुती शिवसेना एकनाथ शिंदे – संदिपान भुमरे
वंचित बहुजन आघाडी – अफसर खान
महाविकास आघाडी – चंद्रकांत खैरे
एमआयएम – इम्तियाज जलील
लोकसभेचा महायुतीचा तिढा अद्याप देखील पूर्णपणे सुटलेला नाही. दरम्यान निवडणुकीचा पहिला टप्पा पार पडला आहे. छत्रपती संभाजीनगर मध्ये आता अशी चौरंगी लढत होणार आहे.
