मुंबई : शिवसेनेच्या आमदारांच्या अपात्रतेचा निर्णय आज होणार आहे. सर्वोच्च न्यायालयाने Supreme Court विधानसभा अध्यक्ष राहुल नार्वेकर Assembly Speaker Rahul Narvekar यांना ३१ डिसेंबरपर्यंत अपात्रता याचिकेवर निकाल देण्याचे आदेश दिले होते. अखेर आज सायंकाळी ४ वाजता हा निर्णय विधानसभा अध्यक्ष जाहीर करणार आहेत. दरम्यान काळ मुख्यमंत्री एकनाथ शिंदे हे राहुल नार्वेकर यांची भेट घ्यायला गेले होते. यावरून देखील मुलाच्या मोठ्या वादात पेट्रोल ओतल्यासारखा वानवा पेटला आहे.
दरम्यान आज शिवसेना उद्धव ठाकरे गटाचे खासदार संजय राऊत यांनी माध्यमांशी संवाद साधला. यावेळी त्यांनी राहुल नार्वेकर यांच्या मुख्यमंत्री भेटीवर आक्षेप नोंदवला आहे. शिवसेना नेते संजय राऊत म्हणाले की, ” या राज्याचे मुख्यमंत्री बेकायदेशीरपणे सत्तेत बसले आहेत, असे आम्ही म्हणत आहोत. तो आमच्या मते गुन्हेगार आहे, आरोपी आहे. सर्वोच्च न्यायालयाने विधानसभा अध्यक्ष राहुल नार्वेकर यांना न्यायाधीश केले आहे. मात्र, न्यायाधीश गुन्हेगाराच्या घरी वारंवार बसत असतील तर तुम्हाला काय वाटेल ?”
संजय राऊत पुढे म्हणाले की, ” आज निर्णय आहे आणि देशाचे पंतप्रधान 12 जानेवारीला महाराष्ट्रात येत आहेत, याचा अर्थ काय ? जर तुम्हाला माहित असेल की आज निर्णय येणार आहे, संविधान सांगते की हे सरकार बेकायदेशीर आहे, जर घटनेनुसार निर्णय घेतला गेला तर सरकार बेकायदेशीर ठरू शकते आणि सरकार बरखास्त केले जाऊ शकते, तरीही पंतप्रधान येथे येत आहेत, याचा अर्थ पंतप्रधानांना या निर्णयाची माहिती आहे आणि मॅच फिक्सिंगबद्दल माहिती आहे.
विधानसभा अध्यक्षांचा एक प्रोटोकॉल असतो. सभापती पीठासीन पदावर बसले असतील तर ते खुर्ची सोडून ज्या आरोपींविरोधात याचिका दाखल केली आहे, त्या आरोपींना भेटून भेटू शकत नाहीत. मग ते म्हणतात की ते निर्णय देतील, हा कोणता निर्णय आहे, तो मॅच फिक्सिंग आहे. असे थेट वक्तव्य खासदार संजय राऊत यांनी केले आहे.
