आज आयोध्या मध्ये अनेक वर्षांपासून उत्कंठेने वाट पाहिला जाणारा तो सोहळा संपन्न झाला प्रचंड जल्लोषात भक्तीपूर्ण वातावरणात हा सोहळा पार पडला खरा फळ गोविंद गिरी महाराजांच्या त्या वक्तव्याने एक नवीन वाद उभा राहिला आहे राष्ट्रवादी काँग्रेसचे आमदार रोहित पवार यांनी एक ट्विट करून गोविंडगिरी महाराजांना आपली वक्तव्ये आपण त्वरित मागे घ्यावीत असा इशारा दिला आहे.
नेमकं काय म्हणाले गोविंदगिरी महाराज ?
प्रभू श्रीरामचंद्र यांचा मूर्ती प्राणप्रतिष्ठापना सोहळा पार पडल्यानंतर उपस्थित त्यांना संबोधित करताना गोविंदगिरी महाराज म्हणाले की, “तप करणे ही भारताची परंपरा राहिली आहे. आज मला एका राजाची आठण होत आहे, ज्यात हे सर्व गुण होते, ते म्हणजे छत्रपती शिवाजी महाराज. लोकांना कदाचित माहीत नाही, ते स्वतः मल्लिकार्जुन ज्योतिर्लिंगाच्या दर्शनासाठी श्रीशैलम येथे गेले, तेव्हा त्यांनी तीन दिवसांचा उपवास केला. तीन दिवस शिवमंदिरात राहिले. महाराजांनी त्यावेळी सांगितले की, मला राज्य नाही करायचे. मला संन्यास घेऊन भगवान शिवाची सेवा करायची आहे. पण त्यांच्या ज्येष्ठ मंत्र्यांनी त्यांची समजूत घातली आणि राज्य करणे ही त्यांची सेवाच आहे.”असे सांगितले.
यावर आता नवीन वाद निर्माण होण्याची चिन्हे आहेत दरम्यान राष्ट्रवादी काँग्रेसचे आमदार रोहित पवार यांनी ट्विट करून नाराजी व्यक्त केली आहे रोहित पवार यांनी गोविंद गिरी महाराज यांच्या वक्तव्याचा व्हिडिओ पोस्ट करून लिहिले आहे की, `” आपण इतिहासाचे दाखले देताना चुकत आहात, प्रभू #श्रीराम प्रतिष्ठापना सोहळ्याच्या एवढ्या मोठ्या पवित्र आणि प्रतिष्ठीत व्यासपीठावरून छत्रपती शिवाजी महाराजांचा अवमान होईल असं वक्तव्य जाणं योग्य नाही.”
आपण इतिहासाचे दाखले देताना चुकत आहात, प्रभू #श्रीराम प्रतिष्ठापना सोहळ्याच्या एवढ्या मोठ्या पवित्र आणि प्रतिष्ठीत व्यासपीठावरून #छत्रपती शिवाजी महाराजांचा अवमान होईल असं वक्तव्य जाणं योग्य नाही. #छत्रपती_शिवाजी_महाराज धार्मिक होतेच पण त्यांनी कधीही संन्यास घेण्याचा विचार केला नाही. त्यांनी केवळ आपल्या कर्तव्याला म्हणजेच स्वराज्य स्थापनेला सर्वोच्च महत्व दिलं. शिवरायांचं स्वराज्य म्हणजेच रयतेचं राज्य हे रामराज्याला साजेसं असं सर्वसामान्य जनतेला केंद्रस्थानी ठेवणारं होतं. शेतकरी, बारा बलुतेदार संपन्न होते, महिला-भगिनी सुरक्षित होत्या, द्वेषाला कुठलीही जागा नव्हती आणि या स्वराज्याची प्रेरणा व मार्गदर्शक केवळ आणि केवळ माँसाहेब जिजाऊ आणि सर्वसामान्य रयत होती. त्यामुळे आपली वक्तव्ये आपण त्वरित मागे घ्यावीत, ही विनंती!
https://www.facebook.com/share/v/efbxq4DtpuG7Zry3/?mibextid=qi2Omg
