अहमदनगर : काही दिवसांपूर्वी काँग्रेस मधून मिलिंद देवरा, बाबा सिद्दिकी यांच्यासह अशोक चव्हाणांसारखे दिग्गज नेते बाहेर पडले आणि त्यांनी शिवसेना शिंदे गट, राष्ट्रवादी अजित पवार गट आणि भाजप मध्ये प्रवेश केला. दरम्यान आता जयंत पाटील यांनी एक वक्तव्य केलं होतं की, ” शरद पवार महाराष्ट्राच्या राजकारणात शेवटचा डाव टाकतील..!” यावर आता खासदार सुजय विखेंनी MP Sujay Vikhe-Patil आपल्या मिश्किल शैलीमध्ये जयंत पाटलांचा समाचार घेतला आहे.
सुजय विखे पाटील हे आज अहमदनगरमध्ये माध्यमांशी बोलताना म्हणाले की, जयंत पाटील म्हणतात ” शरद पवार महाराष्ट्राच्या राजकारणात शेवटचा डाव टाकतील, पण जयंत पाटील हेच शरद पवारांसोबत किती दिवस थांबणार आहेत हे विचारून घ्या, नाहीतर शेवटचा डाव जयंत पाटीलच टाकायचे..!” अशी टीका खासदार सुजय विखे पाटील यांनी जयंत पाटलांवर केली आहे.
काँग्रेस पक्षाचे काही दिवसांनी संपुष्टात येणार – खासदार सुजय विखे
एकीकडे शिवसेना शिंदे गट, राष्ट्रवादी अजित पवार गट आणि भाजपमध्ये इन्कमिंग सुरू आहे. सध्या फोडाफोडीच राजकारण सुरू केला असून लवकरच पुन्हा एकदा राष्ट्रवादी शरद पवार गटामध्ये वादळ येणार आणि जयंत पाटील यांच्यासह त्यांचा मुलगा भाजप जाणार अशा चर्चेला उधाण आले आहे. दरम्यान परंतु कार्यकर्त्यांमध्ये चुकीची माहिती पसरवली जात असल्याचं शरद पवार गटाकडून म्हटलं गेलं. दरम्यान आता राष्ट्रवादी काँग्रेस गट हा काँग्रेसमध्ये विलीन होणार अशा जोरदार चर्चा सुरू असतानाच काँग्रेस पक्षाचा आता काही दिवसांनी संपुष्टात येणार असा देखील टोला खासदार सुजय विखे पाटील यांनी लगावला आहे.
” शरद पवार जसे सांगतात तसेच मनोज जरांगे पाटील करतात…! ” संगीता वानखेडेंचा घणाघाती आरोप, कोण आहेत संगीता वानखेडे? वाचा सविस्तर
