माळशिरस : सध्या लोकसभा निवडणुकीच्या पार्श्वभूमीवर पंतप्रधान नरेंद्र मोदी हे महाराष्ट्रामध्ये तळ ठोकून आहेत. महाराष्ट्रातील प्रमुख जिल्ह्यांमध्ये पंतप्रधान नरेंद्र मोदी यांच्या धुवाधार सभा सुरू आहेत. काल सोमवार दिनांक 29 एप्रिल रोजी पुण्यामध्ये पंतप्रधान नरेंद्र मोदींची सभा पार पडली. तर आज माळशिरस मध्ये पंतप्रधान नरेंद्र मोदी यांची सभा पार पडते आहे.
पुण्यातील सभेमध्ये महाराष्ट्राचे ज्येष्ठ नेते शरद पवार यांच्यावर कडाडून टीका केली आहे. पुण्यातील सभेत शरद पवार यांच्यावर टीका करताना पंतप्रधान नरेंद्र मोदी म्हणाले की, ” पंधरा वर्षांपूर्वी एका मोठ्या नेत्याने निवडणूक लढवताना येथे पाणी आणण्याचं वचन दिलं होतं. ते पूर्ण झालं का ? नाही ना ? आता त्यांना शिक्षा देण्याची वेळ आली आहे. अशी बोचरी टीका पंतप्रधान नरेंद्र मोदी यांनी शरद पवारांचे नाव न घेता केली आहे.
तसेच आजच्या माळशिरस मधील सभेमध्ये नरेंद्र मोदी यांनी काँग्रेसवर हल्लाबोल केला आहे. ते म्हणाले की, ” साठ वर्षात काँग्रेस करू शकले नाही ते आम्ही करून दाखवलं. 25 कोटी लोकांना गरिबीतून मुक्त केलं. तुमची संपत्ती लुटणार सरकार हवं आहे का ? काँग्रेसवाले संधी मिळाल्यास तुमची संपत्ती वाटणार. ” अशी घणाघाती टीका यावेळी पंतप्रधान नरेंद्र मोदी यांनी काँग्रेसवर केली आहे.
