मुंबई : ठाकरे गटाचे नेते दत्ता दळवी Datta Dalavi यांनी मुख्यमंत्री एकनाथ शिंदे CM Eknath Shinde यांच्या विरोधात अपशब्द वापरले. थेट मुख्यमंत्र्यांना शिवीगाळ केल्या प्रकरणी दत्ता दळवी यांना 14 दिवसांची न्यायालयीन कोठडी सुनावण्यात आली आहे. दत्त जाधव यांना राहत्या घरातून पोलिसांनी अटक Arrest केली आहे.
या अटकेनंतर ठाकरे गटाचे नेते, खासदार संजय राऊत Sanjay Raut यांनी पहिली प्रतिक्रिया दिली आहे. माध्यमांशी बोलताना संजय राऊत म्हणाले कि, “गद्दार स्वतःला हिंदुहृदय सम्राट समजून घेत आहेत. याच्यावर तमाम हिंदूंचा जनतेचा आक्षेप आहे. गद्दार हृदयसम्राट स्वतःला हिंदुहृदय सम्राट समजून घेणं हा वीर सावरकर, बाळासाहेब ठाकरेंचा अपमान आहे. त्यामुळे एकनाथ शिंदे यांच्यावरच गुन्हा दाखल व्हायला हवा, असे वक्तव्य संजय राऊत यांनी केले आहे. तसेच जर आज आनंद दिघे असते तर त्यांनी गद्दार हृदयसम्राट यांना चाबकाने फोडून काढले असते, अशी देखील घणाघाती टीका संजय राऊत यांनी एकनाथ शिंदे यांच्यासह शिंदे गटावर केली आहे.
