मुंबई : महाराष्ट्राच्या राजकारणासाठी Maharashtra Political Crisis आज सर्वात महत्त्वाचा दिवस आहे. शिवसेनेतून बंड करून एकनाथ शिंदे दीड वर्षांपूर्वी बाहेर पडले आणि त्यानंतर उभा राहिलेला हा वादंग यावर आज विधानसभा अध्यक्ष राहुल नार्वेकर हे मोठा निकाल जाहीर करणार आहेत. महाराष्ट्राच्या राजकारणामध्ये या निकालानंतर मोठी उलथा पालथ होणार आहे. त्यामुळे आज नेमकं काय होतंय याकडे राजकीय मंडळींसह सामान्य देखील लक्ष ठेवून आहेत.
आजच्या या निकालामध्ये शिवसेनेच्या शिंदे गटातील 16 आमदारांवर अपात्रतेची टांगती तलवार आहे. कोणते आहेत हे आमदार,
▪️एकनाथ शिंदे
▪️चिमणराव पाटील
▪️अब्दुल सत्तार
▪️तानाजी सावंत
▪️यामिनी जाधव
▪️संदीपान भुमरे
▪️भरत गोगावले
▪️संजय शिरसाठ
▪️लता सोनवणे
▪️प्रकाश सुर्वे
▪️बालाजी किणीकर
▪️बालाजी कल्याणकर
▪️अनिल बाबर
▪️संजय रायमूळकर
▪️रमेश बोरनारे
▪️महेश शिंदे
राज्यासह संपूर्ण देशभराचे लक्ष लागून असलेल्या शिवसेना आमदार अपात्रतेचा निकाल आज सुनावण्यात येणार आहे. विधानसभा अध्यक्ष राहुल नार्वेकर हे आज निकाल जाहीर करतील. सायंकाळी चार वाजण्याच्या सुमारास निकाल येणे अपेक्षित आहे.
