Lok Sabha Elections 2024 : लोकसभा निवडणुकीच्या Lok Sabha Elections 2024 पार्श्वभूमीवर महाराष्ट्रामध्ये रोज नवीन राजकीय भूकंप होतो आहे. अशातच आता महाविकास आघाडी सोबत नाराजी असलेले वंचित बहुजन आघाडीचे प्रमुख प्रकाश आंबेडकर यांनी एकला चलो रे चा नारा दिला आहे.
प्रकाश आंबेडकर महाविकास आघाडीच्या भूमिकेबद्दल नाराज होते. अनेक वेळा त्यांनी आपली नाराजी व्यक्त केली होतीच. त्यानंतर आता आज त्यांनी थेट आपल्या पहिल्या टप्प्यातील लोकसभा मतदारसंघाच्या पाच जागांसाठी उमेदवार निश्चित करण्यात आले असून इतर चार म्हणजेच एकूण नऊ उमेदवारांची घोषणा करण्यात आली आहे. ज्यामध्ये नागपूरमधून काँग्रेसचे उमेदवार विकास ठाकरे यांना पाठिंबा दिला जाणार आहे.
पहिल्या लोकसभा मतदार संघाच्या उमेदवारांची नावे
अकोला – प्रकाश आंबेडकर
चंद्रपूर – राजेश बेले
भंडारा गोंदिया – संजय केवट
गडचिरोली – हितेश मडावी
बुलढाणा – वसंत मगर
वर्धा – राजेंद्र साळुंखे
यवतमाळ वाशिम – खेमसिंग पवार
अमरावती – प्राजक्ता पिल्लेवान
नागपुरातून काँग्रेसचे उमेदवार विकास ठाकरे यांना पाठिंबा दिला जाणार आहे.
तसेच रामटेक लोकसभेच्या जागेसाठीची अधिकृत घोषणा आज चार वाजता होणार आहे. प्रकाश आंबेडकर यांनी टाकलेला हा दाव नक्कीच महायुती आणि महाआघाडीसाठी घातक ठरू शकतो यात शंका नाही.
