बारामती : लोकसभा निवडणुकीच्या Lok Sabha elections 2024 पार्श्वभूमीवर सध्या देशात आणि राज्यात राजकीय उलथापालथ सुरू आहे. दरम्यान आघाडीतून महायुतीत आणि महायुतीतून आघाडीत इन्कमिंग-आउटगोइंग सुरू आहे. अशातच आता ज्येष्ठ नेते शरद पवार यांनी देखील राष्ट्रवादी काँग्रेस शरद पवार गटातल्या इन्कमिंग बाबत मोठा गौप्यस्फोट केला आहे.
नेमकं काय म्हणाले शरद पवार
माध्यमांशी बोलताना राष्ट्रवादी काँग्रेस शरद पवार गटाच्या इन्कमिंग बाबत पवारांनी मोठे गौप्यस्फोट केले आहेत. ते म्हणाले की, ” आमच्या पक्षात आणखी इन्कमिंग होईल. आमच्या विरोधकांच्या उमेदवारांची यादी जाहीर होऊ दे, तुम्हाला आणखी काही नेते आमच्याकडे येत असल्यास दिसून येईल. दिसत आहेत त्यापेक्षा अधिक लोक आमच्याबरोबर येणार आहेत. असा गौप्यस्फोट शरद पवार यांनी केला आहे.
केजरीवालांच्या अटकेनंतर शरद पवारांची भाजपवर कडाडून टीका; लोकशाहीचा गळा दाबण्याचे काम सुरू, नेमकं काय म्हणाले शरद पवार
दरम्यान महाविकास आघाडीमध्ये पारनेरचे आमदार निलेश लंके आणि बीडचे बजरंग सोनवणे यांनी घरवापसी केली आहे. याव्यतिरिक्त आणखी कोणते नेते आता पुन्हा घर वापसी करतात हे येणारा कालच स्पष्ट करेन. परंतु शरद पवारांच्या या खळबळजनक विधानाने राजकीय वर्तुळात चर्चेला उधाण आले आहे.
