कणकवली : आगामी लोकसभा निवडणुकीच्या पार्श्वभूमीवर सध्या उद्धव ठाकरे Uddhav Thackeray हे कणकवली Kankavali मध्ये आहेत. दरम्यान यावेळी त्यांनी आपल्याला कोकण किनारपट्टी भगवी करायची आहे ! अशा शब्दात कणकवलीमध्ये निवडणुकीसाठी हर हर महादेव म्हटले आहे. एकीकडे निवडणुकीसाठी प्रचार आणि दुसरीकडे सिंधुदुर्ग हा बालेकिल्ला असणारे केंद्रीय मंत्री नारायण राणे आणि मुख्यमंत्री एकनाथ शिंदे यांच्यावर टीका करायला उद्धव ठाकरे विसरले नाहीत.
दरम्यान सभेमध्ये उपस्थित त्यांना संबोधित करताना उद्धव ठाकरे यांनी मुख्यमंत्री एकनाथ शिंदे यांचे नाव न घेता कडू शब्दात टीका केली आहे. यावेळी उद्धव ठाकरे म्हणाले की, ” मला मुख्यमंत्री पदाला चिकटून राहायचं असतं तर बसू शकलो नसतो का ? मला कळलं नव्हतं का माझे आमदार फुटत होते. त्यांना पकडून हॉटेलमध्ये टाकू शकलो नसतो का ? या मिंध्याच काय, उचलून त्याची दाढी खेचून कुठूनही आणलं असतं. अशा जहरी शब्दात त्यांनी नाव न घेता मुख्यमंत्री एकनाथ शिंदे यांच्यावर टीका केली आहे.
