Firing in Jaipur – Mumbai Train : महाराष्ट्रातील पालघरमध्ये जयपूर-मुंबई एक्स्प्रेस ट्रेनमध्ये चढताना एका RPF Constable ने त्याच्या वरिष्ठ ASI वर अंदाधुंद गोळीबार केला. या घटनेत गोळी लागल्याने ASI आणि अन्य ३ प्रवाशांचा मृत्यू झाला. चेतन नावाच्या हवालदाराने गोळीबार केला. आरोपीला पोलिसांनी मीरा रोड येथून अटक केली आहे. चारही मृतदेह शताब्दी रुग्णालयाच्या शवागारात ठेवण्यात आले आहेत. (Jaipur Mumbai Train Shooting)
कॉन्स्टेबल आणि एएसआय यांच्यात बाचाबाची
ही घटना सोमवारी पहाटे पाचच्या सुमारास घडली. रेल्वेच्या B – ५ कोचमध्ये हा गोळीबार झाला. गोळीबारात गोळी लागल्याने ४ जणांचा मृत्यू झाला. गोळीबाराचे कारण अद्याप समजू शकले नसले तरी आरपीएफ कॉन्स्टेबल आणि त्याचा वरिष्ठ एएसआय यांच्यात काही मुद्द्यावरून बाचाबाची आणि वाद झाल्याचे सांगण्यात येत आहे. ट्रेनमध्ये चेतन आणि तिलक राम या दोन जवानांमध्ये भांडण झाल्याचं सांगण्यात येत आहे. वरिष्ठांशी झालेल्या भांडणानंतर चेतनने गोळीबार केला. गोळीबारामुळे ट्रेनमध्ये गोंधळ उडाला असून काही प्रवासी ट्रेनमधून उडी मारल्याने जखमी झाले आहेत. त्यानंतर रागाच्या भरात हवालदाराने गोळीबार केला. दहिसर परिसरात पालघर ते मुंबई दरम्यान रेल्वेवर गोळीबार झाला. आरपीएफ कॉन्स्टेबल चेतन हा मानसिक तणावाखाली असल्याचे सांगण्यात येत आहे.
पुढील तपास सुरू आहे (Firing in Jaipur – Mumbai Train)
मुंबईतील डीआरएम नीरज वर्मा यांनी सांगितलं की, सकाळी ६ च्या सुमारास आम्हाला माहिती मिळाली की, आरपीएफ जवानाने गोळीबार केला. या गोळीबारात चार जण ठार झाले. आरोपी हवालदार एस्कॉर्ट ड्युटीवर तैनात होता. रेल्वेचे अधिकारी घटनास्थळी उपस्थित असून घटनेचा पुढील तपास सुरू आहे. मृतांच्या नातेवाईकांना माहिती देण्यात आली आहे. मृतांच्या नातेवाईकांना भरपाई जाहीर केली जाईल.
गोळीबाराचे कारण अस्पष्ट
पश्चिम रेल्वेचे सीपीआरओ म्हणाले की, ‘आज मुंबई-जयपूर सुपरफास्ट एक्स्प्रेसमध्ये एक दुर्दैवी घटना घडली. एक आरपीएफ कॉन्स्टेबल चेतन कुमारने त्याचा सहकारी एएसआय टिकाराम मीणा यांच्यावर गोळीबार केला. यादरम्यान अन्य तीन प्रवाशांनाही गोळ्या लागल्या. आरोपीने आपल्या अधिकृत शस्त्राने गोळीबार केल्याचे प्राथमिक तपासात समोर आलं आहे. आरोपीला अटक करण्यात आली आहे. गोळीबाराचे कारण अद्याप समजू शकलेले नाही. या प्रकरणाचा तपास सुरू आहे.’
