नवी दिल्ली : भाजपचे ज्येष्ठ नेते आणि देशाचे माजी उपपंतप्रधान लालकृष्ण अडवाणी यांना सर्वोच्च नागरी सन्मान ‘भारतरत्न’ने सन्मानित करण्यात येणार आहे. पंतप्रधान नरेंद्र मोदी यांनी एक्सवर एक पोस्ट टाकून भारतरत्न मिळाल्याची माहिती दिली आहे.
पाकिस्तानातील कराची येथे जन्मलेले लालकृष्ण अडवाणी यांनी सर्वाधिक काळ भाजपच्या राष्ट्रीय अध्यक्षपदाची जबाबदारी सांभाळली आहे. एवढेच नव्हे तर राम मंदिर चळवळीतही त्यांनी महत्त्वाची भूमिका बजावली होती. चला तर मग जाणून घेऊया त्याच्या आयुष्याशी निगडीत काही रंजक गोष्टी…
![](https://mahatalks.com/wp-content/uploads/2024/02/image-11.png)
लालकृष्ण अडवाणी यांचा जन्म 8 नोव्हेंबर 1927 रोजी सिंध प्रांतात (पाकिस्तान) झाला. कराचीच्या सेंट पॅट्रिक स्कूलमध्ये त्यांनी शिक्षण घेतले. १९४२ मध्ये भारत छोडो आंदोलनादरम्यान त्यांनी गिदुमल नॅशनल कॉलेजमध्ये प्रवेश घेतला. १९४४ मध्ये ते कराचीयेथील मॉडेल हायस्कूलमध्ये शिक्षक म्हणून रुजू झाले.
मात्र १९४७ मध्ये देशाची फाळणी झाल्यानंतर अडवाणी ंच्या कुटुंबाला आपलं घर सोडून भारतात यावं लागलं.
![](https://mahatalks.com/wp-content/uploads/2024/02/image-14.png)
मुंबईच्या गव्हर्नमेंट लॉ कॉलेजमधून त्यांनी कायद्याची पदवी घेतली. या काळात ते संघाशीही जोडले गेले होते. किशनचंद अडवाणी यांच्या घरात जन्मलेल्या लालकृष्ण अडवाणी यांनी २५ फेब्रुवारी १९६५ रोजी कमला अडवाणी यांच्याशी लग्न केले. त्यांना प्रतिभा आणि जयंत ही दोन मुले आहेत.
![](https://mahatalks.com/wp-content/uploads/2024/02/image-13.png)
अडवाणींची राजकीय कारकीर्द
- १९४२ – राष्ट्रीय स्वयंसेवक संघात सामील
- स्वातंत्र्यानंतर अडवाणींचा राजकारणातील प्रवेश महापालिका निवडणुकीतून झाला.
- १९५७ मध्ये अटलबिहारी वाजपेयी यांच्या मदतीसाठी ते दिल्लीला गेले.
- १९५८-६३ मध्ये त्यांनी दिल्ली प्रदेश जनसंघाचे सचिव म्हणून पदभार स्वीकारला.
- एप्रिल १९७० मध्ये ते पहिल्यांदा राज्यसभेवर निवडून गेले.
- डिसेंबर १९७२ मध्ये लालकृष्ण अडवाणी यांची भारतीय जनसंघाच्या अध्यक्षपदी नियुक्ती झाली.
![](https://mahatalks.com/wp-content/uploads/2024/02/image-12.png)
- आणीबाणीच्या काळात २६ जून १९७५ रोजी त्यांना बंगळुरूयेथून अटक करण्यात आली.
- आणीबाणी उठल्यानंतर मार्च १९७७ ते जुलै १९७९ या काळात ते माहिती व प्रसारण मंत्री होते.
- 1980 मध्ये भाजपच्या स्थापनेपासून ते 1986 पर्यंत पक्षाचे सरचिटणीस होते.
- 1986 मध्ये लालकृष्ण अडवाणी भाजपचे राष्ट्रीय अध्यक्ष झाले.
- ३ मार्च १९८८ रोजी पुन्हा त्यांच्याकडे पक्षाध्यक्षपदाची जबाबदारी सोपविण्यात आली.
- १९९१ च्या सार्वत्रिक निवडणुकीत त्यांनी गुजरातमधील गांधीनगर मतदारसंघातून लोकसभेची निवडणूक लढवली आणि जिंकली.
![](https://mahatalks.com/wp-content/uploads/2024/02/image-15.png)
- १९९६ मध्ये स्थापन झालेल्या अटलबिहारी वाजपेयी सरकारमध्ये ते गृहमंत्री होते. 13 दिवसांनंतर हे सरकार कोसळले
- ऑक्टोबर १९९९ ते मे २००४ या काळात त्यांनी गृहमंत्रिपदाची जबाबदारी सांभाळली.
- जून २००२ ते मे २००४ या काळात ते देशाचे माजी उपपंतप्रधान होते.
- अडवाणी चार वेळा राज्यसभेचे आणि सहा वेळा लोकसभेचे सदस्य होते.
- अडवाणी २००४ ते २००९ या काळात लोकसभेत विरोधी पक्षनेते होते.
- १० डिसेंबर २००७ रोजी, भाजप संसदीय मंडळाने २००९ च्या सार्वत्रिक निवडणुकीसाठी लालकृष्ण अडवाणी यांना पंतप्रधानपदाचे उमेदवार म्हणून अधिकृतपणे घोषित केले.
- युपीए सरकार पुन्हा स्थापन झाल्यानंतर अडवाणीयांच्या जागी सुषमा स्वराज यांनी १५ व्या लोकसभेतील विरोधी पक्षनेतेपदी नियुक्ती केली.