मालेगाव : सलमान खान आणि कतरिना कैफ स्टारर ‘टायगर 3’ हा चित्रपट 12 नोव्हेंबररोजी प्रेक्षकांच्या भेटीला आला आहे. पहिल्याच दिवशी चाहत्यांमध्ये चित्रपटाची क्रेझ पाहायला मिळाली आहे. चित्रपटाचा पहिला शो सकाळी ६ वाजता झाला आणि पहिल्या शोमध्ये थिएटरमध्ये प्रेक्षकांची प्रचंड गर्दी पाहायला मिळाली. इतकंच नाही तर सलमानच्या चाहत्यांनी थिएटरमध्ये फटाकेही फोडले. यावर आता सलमान खानची प्रतिक्रियाही समोर आली आहे. याबाबत सलमान खानने आपल्या चाहत्यांना खास आवाहन केले आहे.
प्रदर्शनापूर्वीच ‘टायगर ३’ या चित्रपटाची चाहत्यांमध्ये क्रेझ होती. काहींनी ढोल-ताशांच्या गजरात हा चित्रपट पाहिला, तर काहींनी चित्रपटगृहात फटाके फोडले. याचा एक व्हिडिओ सोशल मीडियावर व्हायरल झाला होता. टायगरच्या एन्ट्रीनंतर सलमानच्या चाहत्यांनी मालेगावमधील एका थिएटरमध्ये फटाके फोडले. फटाके फोडल्यानंतर नाट्यगृहात गोंधळ उडाला.
थिएटरमध्ये फटाके फोडल्याची बातमी समोर आल्यानंतर आता अभिनेता सलमान खाननेही प्रतिक्रिया दिली आहे. सलमानने सोशल मीडिया हँडल एक्सवर लिहिले की, ‘टायगर 3 दरम्यान मी थिएटरमध्ये फटाक्यांबद्दल ऐकले… हे धोकादायक आहे. स्वत:ला आणि इतरांना धोक्यात न घालता चित्रपटाचा आनंद घेऊया. सुरक्षित राहा.”
