फरीदाबाद : सध्या लग्नसराई सुरू आहे. लग्नकार्याची अनेक घरात लगबग सुरु आहे. फरिदाबादमध्ये मात्र अत्यंत दुःखद घटना घडली आहे. नववधूने घरात नुकताच पाय ठेवला असताना आत्महत्या केल्याने अचानक खळबळ उडाली आहे. ही घटना आहे हरियाणातील फरीदाबाद येथे घडलेली.
मिळालेल्या सविस्तर माहितीनुसार, 24 एप्रिल रोजी विकास वय वर्ष 28 याचे उत्तर प्रदेश मधील एका जिल्ह्यातील शिल्पा नावाच्या मुली सोबत लग्न झाले होते. 25 तारखेला सर्व विधी पार पडल्या आणि सहवीस तारखेला कुटुंबीय नववधूला घेऊन घरी परतले होते. सहवीस तारखेला सायंकाळच्या सुमारास विकास याला कोणाचातरी फोन आला आणि त्यानंतर तो घराच्या बाहेर पडला तो परत घरी परतूच शकला नाही.
रात्री उशिरापर्यंत विकास घरी न आल्याने कुटुंबीयांनी शोधाशोध सुरू केली. कुटुंबीयांनी त्याला अनेक फोन लावले पण त्याने फोन देखील उचलले नाहीत. दरम्यान विकासचा मृतदेह झाडाला लटकलेल्या अवस्थेत आढळून आल्याने कुटुंबीयांवर आणि नववधूवर एकच शोककळा पसरली आहे. परंतु सर्व काही विकासच्या मर्जीने झालेले होते . तो आनंदात असताना त्यांनी आत्महत्या केली असावी असे वाटत नाही. तर हा घातपात असल्याचा संशय कुटुंबीयांनी व्यक्त केला आहे. त्यामुळे पोलीस आता त्यात दृष्टीने पुढील तपास करत आहेत.
