पुणे : पिझ्झा डिलिव्हरी देण्यासाठी डिलिव्हरी बॉयला उशीर झाला. या किरकोळ कारणावरून चिडलेल्या ग्राहकाने पिझ्झा डिलिव्हरी बॉयला मारहाण करत थेट हवेत गोळीबार केला आहे. हि धक्कादायक घटना काल (मंगळवारी) रात्री पुण्याजवळील वाघोलीमध्ये घडली आहे. चेतन वसंत पडवळ असे गोळीबार करणाऱ्या आरोपीचे नाव आहे.
फिर्यादी रोहित हुलसुरे हे वाघोली परिसरात असलेल्या एका पिझ्झा सेंटरमध्ये पिझ्झा डिलिव्हरी बॉयचे काम करतात. काल रात्री उशिरा आरोपी चेतन पडवळ याने ऑनलाईन पिझ्झा डिलिव्हरीची ऑर्डर दिली होती. मात्र ही ऑर्डर डिलिव्हरी बॉय रोहित हुलसुरे याने उशिरा पोहोचवल्याने आरोपीने रोहितला आधी मारहाण केली.
Related posts
या महाराणीचा जाब पडवळ यांना विचारण्यासाठी पिझ्झा डिलिव्हरी केंद्रातील देवेंद्र राहुल आणि इतर त्याचे मित्र गेले असता आरोपीने या सर्वांना मारहाण करत त्याच्या कारमधून एक पिस्तुल काढून हवेत गोळीबार केला. या प्रकरणी आरोपी चेतन पडवळ याच्यावर लोणीकंद पोलिसात गुन्हा दाखल करण्यात आला आहे. या घटनेमुळे सामान्य जनतेत देखील घबराट पसरली आहे.
