नागपूर : नागपूरच्या पांचगाव येथील भाजप पदाधिकाऱ्याची मध्यरात्री हत्या करण्यात आल्याची धक्कादायक घटना घडली आहे. राजू डेंगरे असे हत्या झालेल्या भाजप पदाधिकाऱ्याचे नाव आहे. राजू डेंगरे यांचा मृतदेह विहिरगाव परिसरात आढळून आला.
मिळालेल्या माहिती नुसार, भाजप पदाधिकारी राजू डेंगरे यांची हत्या करण्यात आली आहे. राजू डेंगरे हे ग्रामपंचायत निवणुकीचे विजयी उमेदवार होते. मध्यरात्री तीन वाजता ही घटना घडली असून घटनेची माहिती मिळाल्यानंतर पोलीस घटनास्थळी पोहोचले. मृतदेह शवविच्छेदनासाठी पाठवण्यात आला आहे. धाब्यावरील कर्मचाऱ्यांनीच हत्या केल्याचा प्राथमिक संशय आहेया घटनेची माहिती मिळताच भाजप कार्यकर्त्यांनी आणि नागरिकांची हॉस्पिटलमध्ये गर्दी झाली आहे. या हत्येमुळे परिसरात प्रचंड खळबळ उडाली आहे.
Related posts
कुही पोलीस पुढील तपास करत आहेत. भाजप पदाधिकारी राजू डोंगरे यांची अज्ञात कारणावरून हत्या करण्यात आली आहे. राजकीय वैमनस्यातून हत्या झाली असल्याचा संशय पोलिसांनी व्यक्त केला आहे. या प्रकरणी कुही पोलीस ठाण्यात गुन्हा दाखल करण्यात आला असून अधिक तपास पोलीस करीत आहेत.
