कर्नाटक : कर्नाटकातील उच्चशिक्षित महिलेने आपल्या पोटच्या चार वर्षाच्या मुलाला Murder संपवलं आहे. कर्नाटकातील या महिलेने गोव्यमध्ये नेऊन मुलाची हत्या केली. या घटनेने एकच खळबळ उडाली आहे.
मिळालेल्या माहितीनुसार, कर्नाटकातील चित्रदुर्ग येथे आर्टिफिशियल इंटेलिजन्स कंपनीची सीईओ असलेली ही उच्चशिक्षित महिला आहेत. 2010 मध्ये या महिलेचे लग्न झाले होते. त्यानंतर 2019 मध्ये तिला एक मुलगा झाला. त्यानंतर 2020 मध्ये या दांपत्याने घटस्फोट घेतला होता. दरम्यान कोर्टाने दिलेल्या आदेशानुसार दर रविवारी या मुलाचे वडील त्याला भेटू शकतील असं सांगण्यात आलं होतं.
![](https://mahatalks.com/wp-content/uploads/2024/01/image-39.png)
आपल्या पतीने मुलाला भेटू नये अशी या महिलेची इच्छा होती. जर मुलालाच संपवलं तर हा विषय देखील संपून जाईल असं समजून तिने थेट गोव्यात नेऊन मुलालाच संपवल आहे.
असा लागला सुगावा
दरम्यान गोव्यामध्ये ज्या हॉटेलमध्ये ही महिला मुलाला घेऊन राहत होती या हॉटेलमधून चेक आउट करते वेळी ती एकटीच बाहेर पडली. यावरून हॉटेलमधील कर्मचाऱ्यांना संशय आला होता. तर जी टॅक्सी घेऊन ती गेली होती, या टॅक्सी चालकाकडून देखील हॉटेल कर्मचाऱ्यांनी मुलाविषयी चौकशी केली असता ही महिला टॅक्सीमध्ये एकटीच होती, असं टॅक्सी चालकाने सांगितल्यानंतर हॉटेल कर्मचाऱ्यांनी ही माहिती पोलिसांना दिली. पोलिसांनी देखील संशयास्पद हालचालींमुळे या महिलेचा तपास केला असता हे धक्कादायक हत्याकांड उघडकीस आले आहे.