नाशिक : नाशिकमधून एक हृदय पिळवटून टाकणारी घटना उघडकीस आली आहे. एका विवाहितेने सासरच्या त्रासाला कंटाळून आपल्या दोन मुलींना विष देऊन त्यांची हत्या Murder केली आणि त्यानंतर बिल्डिंग वरून उडी मारून आत्महत्या Suicide केली आहे.
मिळालेल्या सविस्तर माहितीनुसार, आत्महत्या केलेली विवाहिता अश्विनी निकुंभ या महिलेने आपल्या दोन मुलींना विष पाजले आणि त्यानंतर आत्महत्या केली. परिसरातील नागरिकांनी पोलिसांना घटनेची माहिती दिली. त्यानंतर पोलिसांनी घटनास्थळी धाव घेतल्यानंतर तपास केला असता अश्विनी यांनी आत्महत्या पूर्वी एक व्हिडिओ देखील शूट करून ठेवला असल्याचं निष्पन्न झाला आहे.
तुम्हालाही स्ट्रीट फूड खायला आवडते? मग ही बातमी वाचाच; मुंबईत शोर्मा खाल्ल्याने 19 वर्षीय युवकाचा मृत्यू; अनेक जणांना विषबाधा
‘त्या’ व्हिडिओमध्ये नेमकं काय ?
या व्हिडिओमध्ये अश्विनी यांनी त्यांचे पती स्वप्नील निकम, दीर आणि नणंद यांच्या नावाने तक्रार केली आहे. त्यांनी म्हटलं आहे की, ” माझ्या पोरी या माझ्या आहेत . तुझ्या नाही मी माझ्या पोरींना माझ्यासोबत घेऊन जात आहे. तुला अनेकदा समजावलं तरी तू ऐकलं नाही. माझ्या पोरींना माझ्यापासून लांब करशील असं म्हणाला. मी माझ्या पोरींना माझ्यापासून लांब होऊ देणार नाही.तू तुझ्या कुटुंबाचं करत रहा मी माझ्या कुटुंबाला घेऊन जात आहे. आता तू काहीच करू शकणार नाही. ” असं अश्विनी यांनी व्हिडिओ मध्ये म्हंटल आहे.
दरम्यान परिसरातील नागरिकांनी या घटनेची माहिती पोलिसांना कळवली होती. या संदर्भात आता पोलीस अधिक तपास करत आहेत.