मुंबई : मुंबईतून एक धक्कादायक घटना उघडकीस आली आहे. रविवारी नव्यानेच सुरू झालेल्या शिवडी न्हावा अटल सेतू वरून एका महिलेने उडी मारून आत्महत्या केल्याचा प्रकार घडला आहे. पोलीस या महिलेच्या मृतदेहाचा तपास करत आहेत.
मिळालेल्या माहितीनुसार, डॉक्टर किंजल शहा वय वर्ष 43 यांनी आत्महत्या केली आहे. किंजल शहा या पेशाने डॉक्टर होत्या. पोलिसांनी दिलेल्या माहितीनुसार अनेक वर्षांपासून त्या नैराश्याच्या शिकार झाल्या होत्या. या नैराशयातूनच त्यांनी आत्महत्येसारखं टोकाचं पाऊल उचलल आहे. रविवारी कामकाजा निमित्त त्या घराच्या बाहेर पडल्या आणि त्यानंतर अटल सेतूवरून त्यांनी थेट समुद्रात उडी घेऊन आपलं आयुष्य संपवल आहे.
Related posts
बराच वेळ उलटून गेल्यामुळे किंजल शहा यांच्या वडिलांनी भोईवाडा पोलीस ठाण्यामध्ये मिसिंगची तक्रार दाखल केली होती. तसेच कुटुंबीयांना घरात सुसाईड नोट देखील आढळून आली. ज्यामध्ये त्यांनी त्या अटल सेतूवरून आत्महत्या करत असल्याचं लिहिलं असल्याचंही म्हटलं जातंय.
नव्याने सुरू झालेल्या या अटल सेतूवरची ही घटना आहे. या घटनेने एकंदरीतच या सेतूच्या सुरक्षेचा प्रश्न आता उपस्थित झालाय.
