शेगाव : बुलढाणा जिल्ह्यातील शेगावमधील जवळा बुद्रुक या गावातून एक धक्कादायक घटना उघडकीस आली आहे. जवळा बुद्रुक मधील जिल्हा परिषद मराठी प्राथमिक शाळेतील विद्यार्थ्यावर शाळेच्या मुख्याध्यापिकेने लैंगिक छळ केला. यावेळी मुलगा घाबरून पळत सुटला आणि पडल्याने त्याच्या पायाला जबर जखम झाली आहे. याप्रकरणी आरोपी मुख्याध्यापिकेवर लैंगिक छळ केल्याप्रकरणी POSCO अंतर्गत गुन्हा दाखल केला आहे.
नेमकं काय घडलं
या जिल्हा प्राथमिक शाळेमध्ये मुलांना केळी वाटप करण्यात आली होती. काळी पडलेली केळी मुलाला दिली म्हणून या मुलाच्या वडिलांनी शाळेमध्ये मुख्याध्यापिकेला जाब विचारला होता. यावेळी या मुख्याध्यापिकेने केळी चांगलीच आहेत, असं म्हणून भांडण केलं. दरम्यान वडिलांना कंप्लेंट केली म्हणून या मुख्याध्यापिकेने आठ वर्षीय मुलाला मानसिक त्रास द्यायला सुरुवात केली. वर्ग खोलीमध्ये जाऊन या मुलाला जाब विचारला की तुझ्या बापाला कंप्लेंट करायला लावतो काय ? माझी बदली करायला लावतो काय ? असं म्हणून या मुलाची पॅन्ट सोडली आणि थांब तुला दाखवते, असं लज्जा उत्पन्न होईल असे वक्तव्य केले. त्यानंतर हा आठ वय वर्षे पीडित मुलगा बाहेर पळाला. शाळेत मैदानावर पळताना त्याच्या पायाला जबर दुखापत झाली आहे.
Related posts
याप्रकरणी शेगाव ग्रामीण पोलीस स्टेशनमध्ये आरोपी रेखा मानकर तिच्याविरुद्ध गुन्हा दाखल करण्यात आला आहे.
