गाझियाबाद : गाझियाबादमधून एक अत्यंत धक्कादायक अशी घटना उघडकीस आली आहे. घटनेतील आरोपी प्रियकरान संजय दत्तचा खलनायक हा चित्रपट पाहिला आणि आपल्याला दगा देणाऱ्या प्रेयसीचा त्याने गळा चिरून निर्दयीपणे खून केला आहे.
धक्कादायक म्हणजे या आरोपीन तिचा खून केल्यानंतर स्वतःच कॅमेरासमोर खुनाची कबुली देखील दिली आहे. हा व्हिडिओ सध्या सोशल मीडियावर जबरदस्त व्हायरल देखील होतोय. या व्हिडिओमध्ये त्याने हसत हसत आपल्या गुन्ह्याची कबुली देताना सांगितले की, प्रेमात फसवणूक करण्याची एकच शिक्षा आहे. ती म्हणजे मृत्यू आणि म्हणून असमाला मारलं. असं त्यांनी या व्हिडिओमध्ये म्हटलं आहे. त्याचबरोबर संजय दत्त याचा खलनायक हा चित्रपट पाहिला आणि मग त्याने गळा चिरून आसमाची हत्या केली असं त्याने म्हटलं आहे.
Related posts
याप्रकरणी पोलिसांनी आता आरोपी अदनान याला ताब्यात घेतलं असून त्याची चौकशी सुरू आहे. त्याने खुनाची कबुली दिली आहे. आसमा ही एक अविवाहित महिला होती. तिच्या सोबत त्याचे प्रेम संबंध होते. या घटनेने परिसरात एकच खळबळ उडाली आहे.
