यवतमाळ : यवतमाळमध्ये पुन्हा एक धक्कादायक घटना उघडकीस आली आहे. दारुड्या बापान मित्रासोबत पार्टीसाठी थेट आपल्या पोटच्या तीन वर्षाच्या मुलालाच विकल्याचा धक्कादायक प्रकार घडला आहे.
मिळालेल्या सविस्तर माहितीनुसार, यवतमाळ मधील आर्णी तालुक्यातील तीन वर्षीय मुलाला जन्मदात्या बापान मित्रांसोबत दारूची पार्टी करण्यासाठी विकल्याचा धक्कादायक प्रकार उघडकीस आला आहे. या नराधम बापाने तेलंगणातील निर्मल येथे या मुलाला विकल्याचे समजले. या चिमुकल्याच्या आईने दिलेल्या तक्रारीवरून आर्णी पोलिसांनी गुन्हा दाखल केल्यानंतर या नराधम बापाला अटक केली आहे. श्रावण देवकर वय वर्ष 32 आणि चंद्रभान देवकर या दोघांना पोलिसांनी अटक केली आहे. तसेच कैलास गायकवाड आणि बाल्या गोडांबे हे दोघेजण फरार आहेत.
Related posts
आर्णी तालुक्यातील कोपरा गावातील पुष्पा देवकर या महिलेने तक्रार दाखल केली होती. पोलिसांनी दिलेल्या माहितीनुसार पुष्पा देवकर या पती पासून वेगळ्या रहात होत्या. या दांपत्याला जय नावाचा तीन वर्षाचा मुलगा आहे. तो वडिलांसोबत राहत होता. या महिलेने दिलेल्या तक्रारीनुसार तीन वर्षाच्या मुलाला आदिलाबाद तेलंगणा येथे विकण्यात आल्याची माहिती मिळाली होती. या प्रकरणी पोलिसांनी कारवाई करून या पित्याला अटक केली आहे.
