कल्याण-नगर महामार्गावरील डिंगोरे हद्दीत दत्त मंदिराजवळील कठेश्वरी पुलाजवळ भरधाव येणाऱ्या कारने परप्रांतीय पाच मजुरांना चिरडल्याची धक्कादायक घटना घडली आहे. यामध्ये दोघां कामगारांचा घटनास्थळी मृत्यू झाला असून, एकाचा उपाचरादरम्यान मृत्यू झाला आहे.
जखमींवर आळेफाटा येथील रुग्णालयात उपचार सुरू आहेत. हे सर्वजण शेतमजुर असल्याची माहिती समोर आली आहे. रात्री साधारण आठ वाजण्याच्या सुमारास हा अपघात झाला आहे. गाडीचे नियंत्रण सुटून हा अपघात झाला असल्याची प्राथमिक माहिती समोर येत आहे.
