मुंबई : गुरुवारी रात्री दहिसरमध्ये मॉरिस नोरोन्हा याने माजी नगरसेवक अभिषेक घोसाळकर Abhishek Ghosalkar यांची पाच गोळ्या झाडून भर फेसबुक लाईव्ह सुरू असताना हत्या Murder केली आहे. त्यानंतर स्वतःवर दोन गोळ्या झाडून आत्महत्या देखील केली. अभिषेक घोसाळकर यांची हत्या का केली गेली हे कारण अद्याप स्पष्ट झालं नव्हतं. दरम्यान नुकताच मॉरिशच्या पत्नीचा जबाब नोंदवण्यात आला आहे. मॉरिशच्या पत्नीच्या जबाबदातून अनेक महत्त्वाचे खुलासे होत आहेत.
… म्हणून मॉरिसने केली अभिषेक घोसाळकरांची हत्या
गुन्हे शाखेनं ही घटना घडल्यानंतर तातडीने तपासाची सूत्र फिरवली आहेत. यामध्ये पोलिसांनी मॉरिसचा पीए आणि आणखीन एकाला ताब्यात घेतल आहे. तर नुकतीच मॉरिशच्या पत्नीचा जबाब देखील नोंदवण्यात आला आहे. मॉरसच्या पत्नीकडून अनेक धक्कादाय खुलासे झाले आहेत. मॉरीसच्या पत्नीने दिलेल्या माहितीनुसार ” मी अभिषेकला सोडणार नाही, त्याला संपवणारच…!” अस तो नेहमी म्हणायचा असे तिने सांगितले आहे. मॉरिस हा काही दिवसांपूर्वी बलात्काराच्या एका प्रकरणांमध्ये पाच महिने तुरुंगात होता. काही दिवसांपूर्वीच तो जामिनावर तुरुंगातून बाहेर आला होता.
Abhishek Ghosalkar Murder Case : गुरुवारी रात्री नेमकं काय घडलं ? वाचा सविस्तर
दरम्यान या बलात्कार प्रकरणामध्ये अभिषेक घोसाळकर यांनीच त्याला गोवल आहे असं त्यास वाटत होतं. तसेच काही महिन्यांपूर्वी या दोघांमध्ये कडाक्याचं भांडण देखील झालं असल्याच समजत आहे. या प्रकरणी अभिषेक घोसाळकर यांनी पोलीस स्थानकात तक्रार देखील दाखल केली होती. परंतु ते प्रकरण मिटलं होतं. आणि दोघांमध्ये पुन्हा घट्ट मैत्री देखील झाली होती. पण ही मैत्री वर-वरच होती हे आता समजते आहे. कारण गेल्या अनेक दिवसांपासून या खुनाचा कट रचला जात होता. असंच मॉरिसच्या पत्नीच्या जबाब आतून समजत आहे.
Abhishek Ghosalkar Murder Case : माजी नगरसेवक अभिषेक घोसाळकर हत्याप्रकरणी दोघा जणांना अटक
