पनवेल : बॉलिवूड अभिनेता सलमान खानच्या पनवेल फार्महाऊसवर जमावाने जबरदस्तीने हल्ला केल्याची धक्कादायक घटना घडली आहे. दोन्ही तरुण वायर तोडून फार्महाऊसमध्ये घुसण्याचा प्रयत्न करत होते. सुरक्षा रक्षकाने दोघांना पकडले आहे . या दोघांनी ही आपली चुकीची नावे सुरक्षा रक्षकांना दिली आणि दोघेही स्वत:ला सलमान खानचे फॅन म्हणवू लागले. त्यानंतर या प्रकरणाची माहिती पोलिसांना देण्यात आली. दोघांकडे बनावट आधार कार्ड आढळून आले. या प्रकरणी पनवेल ग्रामीण पोलिस ठाण्यात गुन्हा दाखल करून दोघांना अटक करण्यात आली आहे.
दोघांकडून बनावट आधार कार्ड जप्त
अजेश कुमार ओमप्रकाश गिल असे एकाचे नाव असून दुसऱ्याचे नाव गुरसेवक सिंग तेजसिंग शीख आहे. पोलीस या प्रकरणाचा तपास करत आहेत. या दोघांचा हेतू काय होता, याचा शोध पोलिस घेत आहेत.
सलमान खानला जीवे मारण्याची धमकी
गेल्या काही वर्षांपासून सलमान खानला लॉरेन्स बिश्नोई टोळीकडून जीवे मारण्याच्या धमक्या मिळत आहेत. सलमान खानला धमक्या मिळाल्यानंतर त्याची सुरक्षा कडक करण्यात आली आहे. गँगस्टर गोल्डी ब्रार आणि लॉरेन्स बिश्नोई उघडपणे सलमान खानला धमकी देत आहेत. सलमान खानला सरकारकडून वाय+ सुरक्षा देण्यात अली आहे.
