Bigg Boss 17 Update: ‘बिग बॉस’ (Bigg Boss 17) हा शो टिव्ही वरील सगळ्यात जास्त चर्चेत असणारा रिॲलिटी शो म्हणून ओळखला जातो. या शो चे सुत्रसंचालन करण्याची जवाबदारी सलमान खान उत्तमरित्या पार पाडतो. सध्या बिग बॉस १७ हा शो टिव्हीवरील प्रसिद्ध अभिनेत्री अंकिता लोखंडे (Ankita Lokhande) व तिचा नवरा विकी जैनमुळे (Vicky Jain) चर्चेत आहे. हा शोमध्ये सहभागी झालेले स्पर्धक सध्या सर्वांचे लक्ष वेधून घेत आहे. नुकताच या शोमध्ये ओरहान अवतरमणी म्हणजेच ऑरी (Orry) सहभागी झाला होता. पण एकाच दिवसात त्याला बिग बॉसच्या घरातून बाहेर पडावे लागले. आता त्यामागचे कारण काय? असा प्रश्न सर्वांना पडला आहे. (Bigg Boss 17 Update salman khan asks orry out at house)
शुक्रवारी बिग बॉसच्या घरात वीकेंडचा वार हा एपिसोड पार पडला. या भागात ऑरीची बिग बॉसच्या घरात वाइल्ड कार्ड एण्ट्री झाली आहे. मग दर रविवार प्रमाणे काल, जस्ट चिल विथ सोहेल अँड अरबाज सेशन झाले. ज्यामध्ये अरबाज खान आणि सोहेल खानने स्पर्धकांबरोबर प्रेक्षकांचे मनोरंजन केले. यावेळी ओरीची खिल्ली उडवली गेली. पण जाता-जाता अरबाज आणि सोहेल ऑरीला घराबाहेर घेऊन गेले. ऑरी हा फक्त एक दिवसासाठी शोमध्ये आला होता, असे अरबाज-सोहेलने सर्वांना सांगितले. अशाप्रकारे ऑरी एका दिवसातच बेघर झाला.
खरं तर ऑरी हा वाइल्ड कार्ड स्पर्धक नव्हता. तो प्रेक्षकांचे मनोरंजन करण्यासाठी केवळ शोमध्ये आला होता. ते ऐकून स्पर्धकांना धक्का बसला आहे. ऑरी एकाच दिवसात घरातून बाहेर आल्याने प्रेक्षकांनी देखील नाराजी व्यक्त केली आहे.
कोण आहे ऑरी?
ऑरीचे पूर्ण नाव ओरहान अवतरमणी असे आहे. त्याने तमिळनाडूमध्ये शालेय शिक्षण घेतले आहे. १२वी पास झाल्यानंतर पुढील शिक्षण घेण्यासाठी ऑरी कोलंबिया यूनिवर्सिटीमध्ये गेला. ऑरीने २०१६ साली सारा अली खानसोबत ग्रॅज्युएशन पूर्ण केले. एका मुलाखतीमध्ये स्वत: ऑरीने सांगितले होते की न्यूयॉर्क मधील एका प्रसिद्ध कॉलेजमधून त्यान डिझायनिंगचे शिक्षण घेतले होते. त्याने काही स्टारकिड्ससोबत शिक्षण घेतल्यामुळे आता ते जेव्हा एकत्र येतात तेव्हा त्याचे फोटो सोशल मीडियावर व्हायरल होताना दिसतात.
ऑरी हा अंबानी कुटुंबीयांच्या देखील जवळचा आहे. ऑरीच्या लिंक्डइन प्रोफाइलच्या वृत्तानुसार, रिलायन्स इंडस्ट्रीज लिमिटेडच्या चेअरपर्सनसोबत ऑरीने एक प्रोजेक्ट केला होता. तो गेल्या काही वर्षांपासून रिलायन्स इंडस्ट्रीसाठी काम करत आहे. त्यामुळे अनेकदा निता अंबानी यांच्यासोबत त्याचे फोटो सोशल मीडियावर व्हायरल होताना दिसतात.
