Amruta Fadnavis Video : उपमुख्यमंत्री देवेंद्र फडणवीस (Devendra Fadnavis) यांच्या पत्नी आणि गायिका अमृता फडणवीस (Amruta Fadnavis Video) या सोशल मीडियावर चांगल्याच सक्रिय असतात. त्या नेहमीच सोशल मीडियावर काही ना काही पोस्ट करतात. अनेकदा त्यांच्या पोस्टवर चाहते खूश होतात तर काहीवेळेस त्यांना टिकेला देखील सामोरं जावं लागतं. पण ट्रोलर्सकडे दुलर्क्ष करत अमृता फडणवीस पोस्ट करताना दिसतात. नुकताच अमृता यांनी सोशल मीडियावर एक रिल्स शेअर केले आहे. (Amruta Fadnavis Video dance on what jhumka song in car video viral on social media)
अमृता यांनी त्यांच्या अधिकृत इन्स्टाग्राम अकाऊंटवर एक व्हिडीओ शेअर केला आहे. या व्हिडीओमध्ये त्या करण जोहर दिग्दर्शित ‘रॉकी और रानी की प्रेम कहानी’ चित्रपटातील ‘व्हॉट झुमका’ या गाण्यावर गाडीत बसून डान्स करताना दिसत आहेत. हा व्हिडीओ शेअर करत त्यांनी “ट्रॅफिकमध्ये अडकल्यावर थोडंसं मनोरंजन…” असे कॅप्शन दिले आहे. सध्या सोशल मीडियावर अमृता यांचा हा व्हिडीओ तुफान व्हायरल झाला आहे.
सोशल मीडियावर हा व्हिडीओ व्हायरल होताच नेटकऱ्यांनी कमेंट करत त्यांना ट्रोल केले आहे. “कुठे नेऊन ठेवलाय महाराष्ट्र माझा…” असे म्हणत एका नेटकऱ्याने अमृता फडणवीस यांना सुनावले आहे. तर दुसऱ्या एका यूजरने “ही पोस्ट डिलिट करा अमृता ताई” असा सल्ला दिला आहे. तिसऱ्या एका यूजरने “हे असले गरजेचे आहे का?” असे म्हटले आहे. चौथ्या एका यूजरने अमृता यांच्या व्हिडीओचे समर्थन करत “त्यांना स्वातंत्र्य आहे… त्या काहीही चुकीचे करत नाहीत” असे म्हटले आहे.
