ST Bus Revenue : राज्यातील प्रवाशांची लालपरी म्हणून ओळखल्या जाणाऱ्या एसटीला ऐन दिवाळीत मोठा धनलाभ झाला आहे. गेल्या १५ दिवसात एसटी महामंडळाने तब्बल ३२८.४० कोटी रुपयांची कमाई केली आहे. हंगामी दरवाढ करूनही अनेक प्रवाशांनी एसटी बसलाच पसंती दिली आहे. त्यामुळे कर्मचाऱ्यांमध्ये आनंदाचं वातावरण आहे. (ST Bus Revenue maharashtra state transport corporation MSRTC Revenue Diwali Season)
१ ते १५ ऑक्टोबर दरम्यान एसटी महामंडळाने प्रवासी वाहतूकीतून ३२८,४०,०२,००० रुपयांचा अर्थात ३२८ कोटी ४० लाख दोन हजार रुपये इतका महसूल मिळवला आहे.
गेल्या वर्षी म्हणजेच नोव्हेंबर २०२२ मध्ये महामंडळाने २३१ कोटींचा महसूल मिळवला होता. भाऊबीजेच्या मुहूर्तावर प्रवाशांनी यंदा एसटीला तब्बल ३१ कोटी ६० लाखांची ओवाळणी दिली आहे.
११ ते १५ नोव्हेंबरदरम्यान महामंडळाचे किमान उत्पन्न २१ कोटी आणि कमाल उत्पन्न ३१ कोटी होते. मुंबई महानगर प्रदेशातून ५५ कोटी २ लाखांचा महसूल महामंडळाच्या तिजोरीत जमा केला आहे. मुंबई महानगरात ठाणे विभागाने १३ कोटी ६७ लाखांची कमाई करत अव्वल स्थान मिळवले आहे.
मुंबई महानगरातून सर्वात कमी उत्पन्न सिंधुदुर्ग विभागाचे (५ कोटी १४ लाख) आहे. सहा प्रदेशापैकी पुणे प्रदेशाने ८१ कोटीं ६१ लाखांचा सर्वाधिक महसूल महामंडळाला दिला आहे. अमरावती प्रदेशाने सर्वात कमी अर्थात ३२ कोटी २२ लाखांचा महसूल मिळवला आहे.
आणखी वाचा – RBI Rules For Personal Loan : RBI ने पर्सनल लोनबाबत बदलले नियम, काय आहेत नियम जाणून घ्या
राज्यातील ३१ विभागांपैकी पुणे विभागाने २१ कोटी ४४ लाखांचे उत्पन्न मिळवून अग्रकमांकाचा मान पटकावला आहे. सर्वात कमी उत्पन्न गडचिरोली विभागाने (३ कोटी ८२ लाख) प्राप्त केले आहे.
एसटीवर आलेलं आर्थिक संकट पाहता काही दिवसांपूर्वी महामंडळाने भाडेवाढ करण्याचा निर्णय घेतला होता. सूत्रानुसार यंदाच्या दिवाळीच्या हंगामात सर्व गाडय़ांच्या तिकीट दरात सरसकट १० टक्के भाडेवाढ होती. मात्र, भाडेवाढ होऊनही अनेक प्रवाशांनी एसटीनेच प्रवास करण्यास पसंती दिली.
एसटी महामंडळाने दिलेल्या माहितीनुसार, १ ते १५ नोव्हेंबर या कालावधीत एसटीला राज्यभरातून ३२८ कोटी ४० लाख रुपयांचा महसूल मिळाला आहे. विशेष बाब म्हणजे यातील ३१ कोटी ६० लाख रुपयांचे विक्रमी उत्पन्न भाऊबीजेच्या दिवशी मिळाले आहे. त्यामुळे कर्मचाऱ्यांमध्ये आनंदाचं वातावरण आहे.
