बिग बॉस 13 मधून प्रसिद्धीच्या झोतात आलेली शेहनाज गिल कोणत्या न कोणत्याा कारणांसाठी नेहमीच चर्चेत असते. ती सोशल मीडियावर ही चांगलीच सक्रिय असते. तिची थँक्यू फॉर कमिंग या चित्रपटातील भूमिका चांगलीच व्हायरल होत आहे. पण सध्या तिनं कामातून ब्रेक घेऊन उत्तराखंडमध्ये असून निसर्गाचा खूप जवळून आनंद घेत आहे. नुकतीच शहनाजने बद्रीनाथला भेट दिली, ज्याचे फोटो सोशल मीडियावर शेअर करण्यात आले आहेत. आता तिचा एक व्हिडिओही व्हायरल होत आहे, ज्यामध्ये ती चर्चेत असलेला बॉयफ्रेंड राघव जुयालसोबत दिसत आहे.
शहनाज गिल आणि राघव जुयाल यांची नावे बऱ्याच काळापासून एकमेकांशी जोडली गेली आहेत. या दोघांनी सलमान खानच्या चित्रपटात एकत्र काम देखील केलं आहे आणि तिथूनच त्यांच्या प्रेम प्रकरणाला सुरुवात झाल्याचे सांगण्यात येत आहे. पण त्यांनी डेटिंगच्या बातम्यांचे नेहमीच खंडन केले आहे. आता दोघे बद्रीनाथमध्ये एकत्र दिसले. जिथे दोघांनी एकत्र नतमस्तक होऊन आशीर्वाद घेतले. सध्या तो व्हिडिओ सोशल मीडियावर तुफान व्हायरल होत आहे. चाहते त्या व्हिडिओवर कमेंट करत आहेत.
शहनाजने तिच्या बद्रीनाथ धाम भेटीचे फोटो इंस्टाग्रामवर शेअर केले आहेत. तिथं थंडी इतकी आहे की शहनाजने उबदार कपडे घातले आहेत. डोक्यावर टोपी, गळ्यात मफलर आणि निळे जॅकेट घातलेली शहनाज बिना मेकअप लूकमध्ये खूपच क्यूट दिसत असल्याचे चाहत्यांचे म्हणणे आहे.
याआधी शहनाजने एक व्हिडिओ शेअर केला होता, ज्यामध्ये ती उत्तराखंडमध्ये व्हेकेशन एन्जॉय करताना दिसत आहे. कधी ती चुलीवर स्वयंपाक करताना दिसते तर कधी पहाडी डान्स करताना दिसते. शहनाजने बद्रीनाथ धामला गेल्याचे फोटो सोशल मीडियावर शेअर केले होते. त्याने फोटोसोबत हात जोडलेले, डोंगर आणि मंदिराचे इमोजी पोस्ट केले होते. शहनाजच्या या पोस्टवर अनेकांनी कमेंट केल्या होत्या.
