मुंबई : येत्या दसरा-दिवाळीत नेहमीच मोठे धमाके होत असतात. यावेळीही मोठा धमाका होणार आहे. राज्याच्या राजकारणात मोठी उलथापालथ होणार आहे, असा गौप्यस्फोटही शंभूराज देसाई यांनी केला. त्यामुळे शरद पवार गटातील कोणता नेता महायुतीत येणार याची चर्चा रंगली आहे. शरद पवार गटातील एकच नेता येणार की आणखी काही नेते येणार याबाबतची गुप्तता राखण्यात आली आहे. देसाई यांनीही त्याबाबत बोलणं टाळलं. पण त्यांनी राज्यात मोठा भूकंप होणार असल्याचं जाहीर करून टाकलं आहे. त्यामुळे राजकीय वर्तुळात खळबळ उडाली आहे.
पत्रकारांशी बोलताना संभूराज देसाई म्हणाले कि, “राज्यात लवकरच मंत्रिमंडळाचा विस्तार होणार आहे. मुख्यमंत्री एकनाथ शिंदे आणि देवेंद्र फडणवीस यांच्यासोबत शरद पवार गटातील अनेक नेत्यांची चर्चा सुरू आहे. हे नेते अजितदादा गटात प्रवेश करणार आहेत. त्यामुळेच कदाचित मंत्रिमंडळ विस्ताराला विलंब लागत असावा, असे शंभूराज देसाई यांनी म्हंटले आहे.
