पुणे : पुण्यात अपघातांसाठी प्रसिद्ध असलेले ठिकाण म्हणजेच नवले पुलावर आज पुन्हा एकदा अपघात झाला आहे. कात्रज कडून येणाऱ्या एका ट्रकचे ब्रेक फेल झाल्यामुळे हा ट्रक भर रस्त्यातच पलटी झाला. त्यामुळे मोठी वाहतूक कोंडी झाली आहे.
मिळालेल्या सविस्तर माहितीनुसार, सिमेंट वाहून नेणारा ट्रक ब्रेक फेल झाल्यामुळे पलटी झाला. या अपघातामध्ये एक जण किरकोळ जखमी झाला आहे. भर रस्त्यात हा ट्रक पलटी झाल्यामुळे नवले पुलावर मोठ्या प्रमाणावर वाहतूक कोंडी झाली होती. वाहतूक पोलिसांनी तात्काळ घटनास्थळी धाव घेऊन कोंडी सोडवण्यासाठी प्रयत्न केला आहे. तर क्रेनच्या सहाय्याने ट्रक बाजूला काढण्यासाठी प्रयत्न सुरू आहेत.
