मनीष शर्मा दिग्दर्शित स्पाय थ्रिलर चित्रपट ‘टायगर ३’ची चाहत्यांमध्ये प्रचंड क्रेझ पाहायला मिळत आहे. सलमान खानस्टारर ‘टायगर 3’चा ट्रेलर लवकरच रिलीज होणार आहे. या आधी ‘टायगर 3’च्या ट्रेलर डिटेल्सबाबत एक मोठं अपडेट समोर आलं आहे.
ज्याच्या माध्यमातून सलमान खान आणि कतरिना कैफच्या चित्रपटाचा हा ट्रेलर किती मिनिटांचा आहे आणि सेन्सॉर बोर्डाने या ट्रेलरला कोणते प्रमाणपत्र दिले आहे याची माहिती मिळू शकेल.
https://x.com/taran_adarsh/status/1712369265779884176?s=20
‘टायगर ३’चा ट्रेलर किती मिनिटांचा असेल
सलमान खानच्या ‘टायगर 3’चा ट्रेलर 16 ऑक्टोबरला रिलीज होणार आहे. चित्रपट समीक्षक तरण आदर्श यांनी आपल्या अधिकृत ट्विटर हँडलवर या ट्रेलरबद्दल एक ताजे ट्विट केले आहे. या ट्विटमध्ये तरण यांनी ही माहिती दिली आहे- “टायगर 3 चित्रपटाचा हा ट्रेलर 2 मिनिटे 51 सेकंदाचा असणार आहे.
इतकंच नाही तर सलमान खानच्या सिनेमाच्या या ट्रेलरला सेंट्रल बोर्ड ऑफ फिल्म सर्टिफिकेशनने (सीबीएफसी) यू/ए सर्टिफिकेट दिलं आहे. तरनने शेअर केलेल्या या अपडेटनंतर ‘टायगर ३’च्या ट्रेलरबद्दल चाहत्यांची उत्सुकता बरीच वाढली असून आता प्रत्येकजण या ट्रेलरच्या प्रदर्शनाची वाट पाहत आहे.
‘टायगर ३’ दिवाळीत प्रदर्शित होणार
यापूर्वी सलमान खान बॉक्स ऑफिसवर चांगली कामगिरी करू शकला नाही. त्यामुळे सलमानला ‘टायगर ३’कडून मोठ्या अपेक्षा आहेत. त्यामुळे दिवाळीच्या मुहूर्तावर चित्रपटगृहात प्रदर्शित होणारा सलमानचा ‘टायगर ३’ बॉक्स ऑफिसवर कितपत धुमाकूळ घालतो हे पाहणे औत्सुक्याचे ठरणार आहे.
यापूर्वी सलमान खान आणि कतरिना कैफच्या टायगर फ्रँचायझी ‘एक था टायगर आणि टायगर जिंदा है’चे शेवटचे दोन भाग बॉक्स ऑफिसवर ब्लॉकबस्टर ठरले आहेत. यशराज फिल्म्सच्या बॅनरखाली बनलेल्या ‘टायगर ३’चा एक मेसेज व्हिडिओ आणि अनेक पोस्टर्स आतापर्यंत समोर आले आहेत.
