वाशिम : अज्ञात हल्लेखोरांनी मालेगाव शहरातील शेलु फाटा या परिसरात राहणारे दिलीप धोंडूजी सोनुने यांच्यावर जीवघेणा हल्ला केला आहे. अज्ञात हल्लेखोरांनी त्यांच्यावर पेट्रोल टाकून त्यांना जिवंत जाळून त्यांची निर्दयपणे हत्या केली आहे. या घटनेने संतापाची लाट उसळली असताना सुप्रिया सुळे यांनी देखील आपली संतप्त प्रतिक्रिया व्यक्त केली आहे. यावेळी त्यांनी राज्याचे गृहमंत्री देवेंद्र फडणवीस यांच्यावर कडाडून टीका केली आहे.
राज्याचे गृहमंत्री देवेंद्र फडणवीस यांच्यावर सुप्रिया सुळे यांनी टीका केली असून त्या म्हणाल्या की फडणवीस यांचे गृह खात्याकडे दुर्लक्ष होत आहे गुन्हेगार निरडावले असून दिवसाढवळ्या गुन्हे करत आहेत वाशिम जिल्हा पोलीस अधीक्षकांनी याप्रकरणी लक्ष घालून गुन्हेगारांना गजाआड करावे अशी संतप्त प्रतिक्रिया त्यांनी सोशल मीडियावर मांडली आहे.
Related posts
सोमवारी ही घटना घडली आहे मालेगाव शहरातील शेलु फाटा परिसरात राहणारे दिलीप धोंडूजी सोनुने हे बोरगाव येथील जिल्हा परिषद शाळेमध्ये शिक्षक होते सोमवारी ते दुचाकीने बोरगावला जाण्यासाठी निघाले होते यावेळी मालेगाव शहरापासून चार किलोमीटर अंतरावर दबा धरून बसलेल्या अज्ञात हल्लेखोरांनी त्यांच्यावर जीवघेणा हल्ला केला सोनुने यांच्या अंगावर पेट्रोल टाकून त्यांना जिवंत पेटवून देण्यात आले यामध्ये त्यांचा मृत्यू झाला आहे.
